Rusiye Mudafaa nazirligi, berim ayınıñ 5. gecesi Qara deñizde eki taqımsız katerni yoq etkenini iddia ete.
Rusiye Mudafaa nazirliginiñ matbuat hızmeti bunı bildirdi.
"Qara deñizniñ şimaliy-şarqiy qısmında qaravul etken ateş quvetleri, eki taqımsız katerni yoq ettiler", — dep bildirildi.
Hatırlatamız ki, keçken künü işğalciler eki kere taqımsız katerlerni yoq etkenlerini haber ettiler. Berim ayınıñ 4. sabası Rusiye Mudafaa nazirligi Qara deñizde bir uçucısız alet ve dört taqımsız katerni urğanını bildirdi.
Daa soñ işğalciler işğal etilgen Qırımğa ketken dört taqımsız katerni yoq etkenlerini bildirdiler.
Telegram ve Facebookta Suspilne Qırım haberlerine abune oluñız