Armannıñ 29-nda saba qırımtatar areketiniñ faalcisi ve siyasiy mabüs Seiran Saliyevniñ anası Zodiye Saliyevanıñ evine FSB hadimleri keldiler. Qadınnı Aqmescitteki FSB idaresine alıp kettiler. Soñra siyasiy mabüsniñ anası çıqarıldı. O, Rusiye quvetçilernen subetleriniñ tafsilâtlarını añlattı.
Bunı Zodiye Saliyeva "Qırım birdemligine" bergen izaatında añlattı.
Bu saba, o haber etkenine köre, eki oğlan ve eki qız qapını qaqtılar. Qadın onıñ kim olğanını bilmey edi.
"Adamlardan biri laf etmek kerek olğanını ayttı. Yahşı, kirdik, laf ettik. Soñra telefonıñıznı baqmaq kerek olğanını ayttı, şunıñ içün biznen Aqmescitke kelmek kerek. Saat 8:00-da keldik, meni 14:45-te çıqardılar. Böyle laf ettiler, kimnen laf etkenimni, kimnen qonuşqanımnı teşkerdiler. İşte böyle. Soñra 70 yaşında olğanımnı ayttım. Men çoq tanış şey yaptım. Onıñ içün böyle. Laf ettik", - dedi Zodiye Saliyeva.
Hatırlatamız ki, tutulğan qadınnıñ oğlu - "Hizb ut-Tahrir davası"nıñ ekinci Bağçasaray gruppasınıñ mabüsi Seyran Saliyev. İşğalciler onı müstemlekege 15 senege üküm ettiler.
"Hizb ut-Tahrir davası"nıñ ekinci Bağçasaray gruppası aqqında ne bilemiz
2017 senesi orta küz ayınıñ 11-nde Rusiye FSB işğal etilgen Bağçasarayda altı qırımtatarnı tuttı: Timur İbragimov, Marlen (Süleyman) Asanov, Memet Belâlov, Seyran Saliyev, Server Zekiryayev ve Ernes Ametov.
Bir seneden soñ, 2018 senesi mayısnıñ 21-nde, işğalciler Edem Smailov ve Server Mustafayevni evlerinde tutıp aldılar.
Olarnı Rusiyede yasaqlanğan, amma Ukraina ve dünyanıñ ülkeleriniñ çoqusında serbest faaliyet köstergen Hizb ut-Tahrir islâm siyasiy firqasınıñ faaliyetinde qabaatlaylar.
Tutulğanlarnıñ episi işğalli Kıyiv rayon mhkemesiniñ qararındn apiske alındı ve tahminen üç sene taqiqat izolâtorında tutuldı.
2022 senesi berim ayınıñ 16-nda Rostov-na-Donudaki Cenübiy bölge arbiy makemesinde bu dava üzerinde üküm çıqarıldı. Onıñ qabaatlıları 13-19 sene apis cezasına maküm etildi.
022 senesi saban ayınıñ 14-nde Vlasiha şeerindeki Apellâtsiya arbiy makemesi imayeciniñ şikâyetlerini aman-aman bütünley red etti ve mabüslerniñ apis müddetlerini aman-aman deñiştirmedi. Seyran Saliyevniñ apis cezası bir senege qısqartıldı - 15 senelik müstemleke cezasına, Ernes Ametovnıñ apis cezası lâğu etildi.
Avropa parlamenti öz rezolütsiyasında Rusiye Federatsiyasını bütün ukrain siyasiy mabüslerini, şu cümleden "Hizb ut-Tahrir davası"nıñ ekinci Bağçasaray gruppasınıñ mabüslerini azat etmege çağırdı.
"Memorial" uquq qorçalayıcı merkezi olarnı siyasiy mabüsler olaraq tanıdı ve Rusiyeni olarnı acelen azat etmege çağırdı.
Telegram ve Facebookta Suspilne Qırım haberlerine abune oluñız