2014 senesinden başlap, Qırımtatar Maaliy Merkezi qayd etti ki, Noman Çelebicihan adına batalyonda iştirak etmege qabaatlanğan 46 insan tutulğan.
QMMniñ matbuat hızmeti bu aqqında haber berdi.
Qayd etilgenine köre, tutulğanlarnıñ umumiy sayısından 18 kişi işğal etilgen Qırımda, 28 kişisi ise 2022 senesi kiçik aynıñ 24-nden soñ Herson vilâyetinde tutulğan. Bu insanlar, Noman Çelebicihan adına göñülli batalyonında iştirak etkeninde qabaatlana.
Hatırlatamız ki, 2022 senesi bozarğan aynıñ 1-nde Rusiye Yuqarı makemesi, Baş prokurorlıqnıñ Noman Çelebicihan adına qırımtatar göñülli batalyonını terroristik teşkilât olaraq tanıp, onıñ faaliyetini Rusiye Federatsiyasında yasaq etmek davasını qanaatlendirdi.
Telegram ve Facebookta Suspilne Qırım haberlerine abune oluñız