Arman ayınıñ 7. sabası işğalciler Qara deñizge 4 "Kalibr" qanatlı raketasını taşığan bir gemisini arbiy hızmetke çıqardılar.
Ukraina Silâlı Quvetleriniñ Arbiy-deñiz quvetleriniñ matbuat hızmeti Telegramda bu aqqında haber etti.
Aynı zamanda Azaq deñizinde işğalcilerniñ gemileri yoq. Aq deñizde eki Rusiye gemisi bar, olardan biri - umumen 16 "Kalibr" qanatlı raketasınıñ taşıyıcısı.
Bundan da ğayrı, keçken kün Rusiye Federatsiyasınıñ menfaatları içün Keriç boğazından Qara deñizge üç gemisi keçti, olardan ekisi İstanbul boğazı yönelişine areket ettiler. Azaq deñizine Keriç boğazından yedi gemisi keçti.
"Rusiye, avtomatik identifikatsiya sistemasını (AIS) söndürerek, 1974 senesiniñ Deñizde insan ayatınıñ qoruvı aqqında halqara şartnamesini (SOLAS) bozmağa devam ete", — dep qayd etildi.
Telegram ve Facebookta Suspilne Qırım haberlerine abune oluñız