Poloniya tedqiqatçıları, Qara deñiz bölgesinde telükesizlik vaziyetine uçucısız deñiz dronlarınıñ tesirini talil etip, eñ semerelilerini belgilediler. O, Rusiyeniñ Ukrainağa istilâsı vaqtından berli eñ çoq Rusiye gemisini yoq etken Magura V5 oldı.
Poloniyada çıqqan "Political Science and Security Studies Journal" ilmiy mecmuası bunı bildirdi.
Tetqiqatçılar açıq menbalardan alınğan malümatqa esaslanıp, tolu miqyaslı cenk vaqtında ukrain deñiz uçucısız aletleri Rusiyeniñ 22 arbiy gemisine ücüm etip, sekizini yoq etkenini qayd ettiler. Magura V5 14 gemige zarar ketirdi, olardan sekizi bütünley yoq etildi. "Mıkola" ve "Mamay" dronları eki gemisi, Sea Baby ise dört gemisini urdı.
Magura V5 (Maritime Autonomous Guard Unmanned Robotic Apparatus) Ukraina Mudafaa nazirliginiñ Baş istihbarat idaresi, ayrıca "Group13" mahsus bölügi tarafından qullanıla. Bu dron aşağıdaki rus gemilerine urdı ya da battırdı:
- "İvan Hurs" istihbarat gemisi (2023 senesi mayısnıñ 24-nde zarar kördi);
- "Sergey Kotov" qaravul gemisi (eki kere zarar kördi — 2023 senesi oraq ayınıñ 24-nde ve berimniñ 13-nde);
- "D-144 Serna" desant kateri (2023 senesi boşnıñ 11-nde "BTR-82"nen battırıldı);
- "D-295 Akula" desant kateri (2023 senesi boş aynıñ 11-nde battırıldı);
- "İvanovets" raketa gemisi (2024 senesi kiçik aynıñ 1-nde battırıldı);
- "Tsezar Kunikov" büyük desant gemisi (2024 senesi kiçikniñ 14 künü battırıldı);
- "Sergey Kotov" qaravul gemisi (2024 senesi saban ayınıñ 5-nde "Ka-29" vertolötınen beraber battırıldı);
- eki tez "RIF-75" mahsus hızmetli kater (2024 senesi mayıs ayınıñ 6-da yoq etildi)i
2024 senesi mayısnıñ 30. gecesi işğal etilgen Qırımda eki KS-701 "Tunets" katerini yoq etip, aynı tipli daa eki gemini de urdı.
Telegram ve Facebookta Suspilne Qırım haberlerine abune oluñız