Google şirketi, öz tercime hızmetinde tiller cedvelini kenişlete. Olarğa 110 yañı til qoşulır. Olarnıñ arasında qırımtatar tili de bar. Şirketniñ añlatqanına köre, yañartma büyük til modeli — PaLM 2 suniy zekâsınıñ yardımınen yapıla. Şunı da bildirdiler ki, hızmetniñ ileride de keñişletilüvi devam etecek.
Googleniñ resmiy beyanatında bu aytıldı.
Şirket qayd etti ki, 2022 senesi Zero-Shot Machine TranslationGoogle añlattı ki, bu — soñ neticesini köremeyip, başqa tilge tercime etmege ögrengen maşna ögrenüv modelidir. modeli yardımınen 24 yañı til qoşulır.
"Bundan da ğayrı, dünyada eñ çoq qullanılğan 1000 tilni destek etken SZ modelleri qurulmasını közde tutqan "1000 til" teşebbüsini ilân ettik. Bugün suniy zekânı qullanıp, qol tutqanımız til çeşitligini arttırmaq içün çalışamız. PaLM 2 büyük til modeliniñ yardımınen biz şimdi eñ büyük olğan Google Tercimecisine 110 yañı til qoşmağa başlaymız", — dep Google añlattı.
Şirket hatırlattı ki, qırımtatarca UNESCOnıñ tasnifine köre qoşma qoruvğa muhtac olğan tiller arasındadır.
Google daa bildirdi ki, daa çoq til ve imlâ qaidelerini tercime hızmetine qoşmaq içün tilşınaslar ve til bilgenlernen çalışmağa devam ete.
Telegram ve Facebookta Suspilne Qırım haberlerine abune oluñız