Ukraina makemeleri Qırımdaki arbiy cinayetler ve Ukraina milliy havfsızlığı esaslarınıñ bozulğanı içün 200-den çoq üküm çıqardı. İşğalli akimiyetniñ arbiy cinayetlerinden biri Ukraina vatandaşlarınıñ Rusiye ordusına mecburiy mobilizatsiyasıdır.
Qırım platformasınıñ Mütehassıslar ağınıñ ІІІ. halqara forumında Qırım Muhtar Cumhuriyeti ve Aqyar şeeriniñ prokurorlığınıñ yolbaşçısı İhor Ponoçovnıy bunı bildirdi, dep Suspilne Qırım mühbiri haber berdi.
Onıñ qayd etkenine köre, istilâ başlamadan evel bu kibi ükümler yoq edi.
"Qırım boyunca yalıñız dört apis cezasını aldıq, ve olar milliy havfsızlıqqa qarşı yapılğan cinayetlernen bağlı edi. Bugünde-bugün tahminen 200 ükümimiz bar. Bu em milliy telükesizlik, em de arbiy cinayetler. Olardan biri - Qırımdaki Ukraina vatandaşlarını Rusiye Federatsiyasınıñ Silâlı quvetlerine mecburiy celp etüvidir. Ve, bellesem, eminliknen ayta bilem ki, Qırımdaki antnı bozğan ve Ukrainağa hainlik yapqan insanlarnıñ sayısı ve Qırımda yapılğan arbiy cinayetlerniñ sayısı işğal etilgen topraqlar arasında eñ büyüktir", — dep İhor Ponoçovnıy añlattı.
Telegram ve Facebookta Suspilne Qırım haberlerine abune oluñız