Ukrainada bozarğan aynıñ 20. kününden oraq ayınıñ 20. kününe qadar qırımtatar tili, medeniyeti ve tarihını rağbetleştirmek maqsadınen "Vikipediya" dünya onlayn entsiklopediyasınıñ qırımtatar versiyası içün maqaleler marafonı keçerilecek.
"Serbest Entsiklopediy: 2024 qırımtatar Vekipediyasına qol tutmaq içün marafon" konkursında iştirak etmek içün maqbul anketa toldurmaq kerek.
Onlayn marafonınıñ teşkilcileri arasında "Vikimediya Ukraina" cemaat teşkilâtı ve "Qırım young"
Tilni çeşit seviyelerde bilgen er kes iştirak ete bile. Teşkilâtçılar, marafon çerçivesinde eñ büyük isse qoşqan on iştirakçini mukâfatlaycaqlar.
Marafonnıñ maqsadı — ayrıca işğal şaraitlerinde qırımtatar tiliniñ saqlanuvınıñ müimligini qayd etmektir.
"Qırımtatar tili — yalıñız qonuşuv vastası degil, medeniy miras, kimlik ve tarihnıñ ayırılmaz bir parçasıdır. Tilniñ saqlanması ve inkişafı qırımtatar halqınıñ medeniy çeşitligini ve özgünligini saqlamaq içün pek müimdir", — dep teşkilciler qayd ettiler.
"Vikimediya Ukraina" qayd etti ki, vebinar keçirecekler, ve keyfiyetli maqaleler yazmaları içün tevsiyeler ve tehnikalarnen paylaşacaqlar. Vebinar bozarğannıñ 26-nda saat 19:00-da olacaq.
"Bundan da ğayrı, tanış olmaq, subetleşmek ve tecribe paylaşmaq içün offline tedbir teşkil etecekmiz. Bu tedbirlerniñ tarihı ve tafsilâtları qayd etilgen iştirakçilerge ilân etilecek", — dep teşkilât qayd etti.
У "Вікімедії" уточнили, що вперше провели марафон у 2021 році. Тоді долучилося 15 користувачів та користувачок, які створили та покращили близько 300 статей кримськотатарською мовою.
"Vikimedia"da, ilk marafonı 2021 senesi keçirgenlerini qayd ettiler. O vaqıt 15 erkek ve qadın qullanıcı qoşuldı, olar qırımtatar tilinde 300-ge yaqın maqale yazdılar.
"İnternet, orman, qırımtatar muzıkası, qırımtatar asıllı ukrain alimi Agatangel Krımskiy ve meşur meksikalı ressam Frida Kalo aqqında maqaleler yazıldı. Bundan ğayrı, marafon qırımtatar Vikipediasınıñ daa faal tercime etilmesine sebep oldı — 2021 senesi bozarğan ayda 1550 maqale tercime etildi, bu ise til bölüginiñ bütün tarihında eñ semereli ekinci ay oldı", — dep teşkilciler qayd ettiler.
Hatırlatamız ki, "Vikipediya"nıñ qırımtatar versiyası 16 seneden ziyade qurulğan edi ve onıñ 10 biñden ziyade maqalesi bar. Amma, bir çoq esası olmağan ya da qısqa olğan maqaleler bar.
Telegram ve Facebookta Suspilne Qırım haberlerine abune oluñız