İşğalciler tarafından bozarğannıñ 19-nda Qırımdan başqa baza noqtasına çıqarılğan Rusiye arbiy gemisi ciddiy silâ sistemalarınen küçük raketa gemisidir. Lâkin Rusiye onı Qara deñizde qullanıp olamay. Bu gemi, "Tsiklon" gemisiniñ yoq etilmesinden berli yedinci oldı. Aynı zamanda yarımadada bir dane de raketa taşıyıcısı qalmadı.
USQniñ Arbiy-deñiz quvetleriniñ nutuqçısı Dmıtro Pletençuk Suspilne Qırımğa bunı bildirdi.
"Deñiştirüvge kelgende, duşman soñki yarım sene devamında, ayrıca, bir qaç afta evel kiçik "Tsiklon" raketa gemisi yoq etilgen soñ, esas faalligini, eñ qıymetli gemilerini deñiştirgen bir tendentsiyanı köremiz. Şimdi köremiz ki, ekinci sırada olğanlar başqa baza noqtalarına köçeler.", — dep ayttı o.
Pletençuknıñ aytqanına köre, ilk nevbette işğalciler Novorossiyskke gemilerni avuştıralar, amma o anda bütün Rusiye Qaradeñiz flotunıñ (RF QF) yerleşmesini temin etip olamay. Ruslarnıñ bu gemilerini qayerge yerleştirmek meselesi peyda ola, çünki Qırımdaki işğalciler anda bulunmaq telükeli olğanını añlaylar, telükesizlikni temin etecek körfezler ise yoq. Bunıñ içün olar yavaş-yavaş gemilerini deñiştireler.
"Bugün (bozarğan aynıñ 19. künü — muar.) daa bir gemi çıqtı. Menim esaplarımğa köre, bu "Tsiklon" yoq etilgen berli yedinci oldı. Bu kiçik bir raketa gemisi, o da ciddiy bir silâ sistemasıdır, amma Qara deñizde onı qullanıp olamaylar. O, adiy bir maqsat olaraq qala. Böylece, duşman Qırımdan almaları içün, yedeklerni saqlap qalmağa tırışa ve er yerge taşlay", — dep USQniñ ADQniñ nutuqçısı haber berdi.
Aynı zamanda o, Rusiye bozarğan aynın 19-nda yarımadadan çıqarğan geminiñ adını aytmağa red etti.
"Bilem, amma aytmaycağım, aytıp olamayım", — dep Pletençuk añlattı.
O şunı da qoştı ki, sekiz Rusiye gemisi Azaq deñizine, ğaliba, talim içün alıp ketirildi. Amma kerçek şu ki, işğalciler şimdi başqa gemiler içün limannı boşattılar.
"Köremiz ki, birinci nevbette qanatlı raketa taşıyıcıları qoyuldı ve daa eki raketa sınav basamağında bulunmaqta, Qara deñiz bölgesinden çıqarıldı", — dep USQniñ Arbiy-deñiz quvetleriniñ nutuqçısı ayttı.
Aynı zamanda işğal etilgen Qırımda arbiy taqımlı Rusiye flotunıñ menfaatları içün vazifelerini eda etken asğariy silâlı reyd çekicileri qala.
"Onı gemi de dep adlandırıp olamam, çünki o, cenk areketlerini alıp barmaq içün mahsus azırlanılmağan, amma bu, misal içün, gemilerden temin etüv bölügidir. Ve bu kibi gemiler anda az bar. Qırım limanlarında zarar körgen "Kommuna" da Qaradeñiz flotunıñ menfaatlarında çeşit işler yapa edi. O, silâlı taqım olmağanına baqmadan o, taqımnıñ bir qısmıdır. Bu kibi çoq gemi anda qala", — dep qayd etti o.
Bundan da ğayrı, Pletçençuk yarımadada iç bir raketa taşıyıcısı qalmağanını qayd etti.
"Soñkisi "Tsiklon" edi. Ve o, umumen bir raketa taşıyıcısı sayıla bile edi, çünki bir kere ateş açmayıp yoq etildi. Bazıda, onı anda, raketa qurucılığında muvafaqiyetsizliklerini yazmaq içün, qaldırdılar, dep tüşünemiz, çünki bir seneden ziyade flotta edi, ve bir kere bile sınavdan keçmedi", — dep USQniñ ADQniñ nutuqçısı ayttı.
Telegram ve Facebookta Suspilne Qırım haberlerine abune oluñız