Ukraina askerleri eki ay devrinde, mayıs ve bozarğan aylarında, işğal etilgen Qırımda Rusiye Federatsiyasınıñ ava mudafaasınıñ 15 sistemasını yoq ettiler.
Ukraina Silâlı Quvetleriniñ Baş ştabınıñ Strategik kommunikatsiyalar idaresiniñ (StratKom) Telegram kanalında derc etilgen mütenasip malümat grafikasında bu aqqında haber berdiler.
Böyleliknen, ukrain askerleri yarımadada işğalcilerniñ S-300, S-350, S-400 ava mudafaası bölüklerine ücüm etip, olarnen ava mudafaası aletlerini, 15-ten ziyade radar stantsiyasını ve Rusiye ordusınıñ 10-dan ziyade idare noqtasını yoq ettiler.
"Ukraina Silâlı Quvetleri Rusiye işğalcilerini yoq etmege devam eteler ve ukrain Qırımınıñ azat etilüv künü yaqınlaştıralar", — aytıldı.
Telegram ve Facebookta Suspilne Qırım haberlerine abune oluñız