RFnıñ Cenübiy bölge arbiy makemesi, “Hizb ut-Tahrir”niñ beşinci Bağçasaray gruppasınıñ faalcileriniñ tevqif müddetini uzattı. Bu sene boş aynıñ 24. kününe qadar Seidamet Mustafaev, Remzi Nimetulaev, Abdulmecit Seitumerov, Amethan Umerov, Ruslan Asanov ve Eldar Yakubov SİZO olacaqlar.
Advokat Emil Kurbedinov “Qırım birdemligi”ne bu aqqında haber berdi.
Qayd etildi ki, bugün makeme davanıñ kiriş rezolütsiya qısmını bildirdi ve imayeci tarafnıñ bütün ricalarını red etti. Şu cümleden, davanı projurorğa qaytarmaq ricasını red etti. Kurbedinovnıñ sözlerine köre, “umumiy üküm çıqarmağa mania olğan eksikliklerni tüzetmek içün” imayeci taraf önizleme prokurorğa qaytarmağa israr etti.
"Bu dava tenqitni dayanmaz, ve öz sözlerimizni tafsilâtlıça isbatladıq”, - Kurbedinov qayd etti.
Bundan ğayrı, rusiye makemesi imayeciniñ faalcilerge qorçalayıcı tedbirge dair delillerini körmemezlikke urdı ve prokurornıñ ricasına binaen olarnıñ tevqif müddetini uzattı.
Hatırlatamız ki, "Qırım platforması" sammiti olğan soñ orman ayınıñ 24-ünde saba saat dörtte rus quvetçileri, altı qırımtatar adamı - Seydamet Mustafaev, Eldar Yakubov, Adbulmecit Seitumerov, Ruslan Asanov ve Remzi Nimetulaevniñ evlerine kirip, tinttiler.
Beş adam, çtimaiy faalciler ve çoq balalı babalardır. Seitumerovnıñ keçkende daa bir balası doğdı. Abdulmecit, Bağçasaraylı siasiy mabüsler olğan, 2020 senesi saban ayında tevqif etilgen, 17 ve 14 senege maküm etilgen Osman ve Seitumer Seitumerovnıñ doğmuş qarsaşıdır.
Tevqif etilgen qırımtatarlarnı destek etici numayışlarda bütün altı Bağçasaraylı faalci çoq kere tutuldı.
Telegram ve Facebookta Suspilne Qırım haberlerine abune oluñız