İşğal etilgen Qırımda RFnıñ ordusınıñ eñ az 825 askeri defn etildi. Olardan 634-ü Ukraina vatandaşı edi.
Facebookta Ukraina prezidentiniñ Qırım MCdeki Temsiliniñ matbuat hızmeti bu aqqında haber berdi.
"Rus ordusınıñ eñ az 825 askeri defn etildi. Olardan 634-ü belki Ukraina vatandaşı edi. Mezarlarnıñ sayısı daa yüksek ola bilir, çünki olarnıñ çoqusı aydınlatılmaz", — bildirildi.
Ukraina prezidentiniñ Qırım MCdeki Temsiliniñ bilgilerine köre, işğal etilgen yarımadadan RFnıñ eñ az 44 askeri esir etildi, olarnıñ çoqusı Ukraina vayandaşıdır.
Bundan ğayrı, haber berdiler ki, çoq ğayıbına baqmadan işğalciler, Ukainağa qarşı cenkte iştirak etmeleri içün Qırımda rus ordusında muqaveleli hızmetni daa çoq reklama etmege başladılar.
Ukraina prezidentiniñ Qırım MCdeki Temsili qayd etti ki, işğal etilgen Qırımdaki iş merkezlerinde işsiz insanlar içün rus arbiy komissarlıqlarınıñ vekillerinen körüşüvlerni daa sıq keçirmege başladılar.
Telegram ve Facebookta Suspilne Qırım haberlerine abune oluñız