Bozarğan aynıñ 10. gecesi vaqtınca işğal etilgen Qırımnıñ farqlı rayonlarında patlamalar duyuldı. Şu cümleden, Kezlev şeerinde bir qaç patlama duyuldı.
Yerli sakini Suspilne Qırımğa bu aqqında haber berdi.
,O qayd etti ki, gece saat tahminen 01:00de patlamalar duyuldı.
"Pek şiddetli patlamalar duyuldı. Farqlı küçnen tahminen 10 patlama duyuldı, bazılarından pencereler titrediler"— Kezlevniñ sakini haber berdi.
"Qırım yeli" Telegram kanalınıñ bilgilerine köre Yañı Qapu ve Canköy rayonlarında ve Curçı qasabasında 6-8 patlama duyuldı. Bundan ğayrı, "divarlarnı titretken" 4 şiddetli patlama Kezlev şeeri, Saq rayonında duyuldı, Saq rayonınıñ Tuzlı köyünde patlamalarnen aynı vaqtında elektrik kesildi.
Telegram ve Facebookta Suspilne Qırım haberlerine abune oluñız