Muhtariyet prokurorlığı, Ukraina İİNniñ organlarınıñ Qırımdan eki eski reberine dair qabaatlayıcı aktlarnı makemege yolladı. Olarnıñ areketleri, devlet hainligiUkraina CQniñ 111. maddesiniñ 1. qısmı olaraq tanındı.
QMC ve Aqyar şeeriniñ prokurorlığınıñ matbuat hızmeti bu aqqında haber berdi.
Taqiqatçılar ögrendiler ki, 2014 senesi qabaatlanğan hainler, Ukrainanıñ halqına sadıq antını bozdılar ve Aqmescit şeerindeki Rusiye İİNniñ işğalli idaresi ve Aqmescit şeerindeki Rusiye UİİNniñ Kıyivskıy 2. işğalli polis bölüginiñ reberleri olıp, RF hızmetinde çalışmağa başladılar.
"Öz areketleri ve qararlarınen Ukraina vatandaşları, yarımadada işğalli tış işleri organlarını teşkil etmege ve çalışmağa yardım ettiler, ecnebiy ülkeniñ vekillerine Ukrainağa qarşı patlayıcı faaliyet etmege yardım ettiler", — bildirildi.
Muhtariyet prokurorlığı bildirdi ki, yarımada işğal etilmeden evel qabaatlanğan adamlar Qırım MCde Aqmescitteki Ukraina GUMVS RV ve Qırım MCde Aqmescitteki Ukraina GUMVS MUnıñ reberleri olıp çalışqan ediler.
Toplanğan delillerge esaslanaraq Havfsızlıq hızmetiniñ taqiqatçıları, UCQniñ 111. maddesiniñ 1. qısmınadevlet hainligi binaen duşmannen işdeşlik yapqanlarğa qarşı qabaatlayıcı aktlarnı makemege yolladılar. Maddege köre olar 15 senege maküm etile ve mülkünden marum oluna bilirler.
Cinayetçilerniñ Ukrainanıñ kontrol etilmegen topraqlarında bulunğanları sebebinden, Ukrainağa qarşı cinayetler içün olarnı mesüliyetke çekmek maqsadınen kompleksli tedbirler keçirile.
Telegram ve Facebookta Suspilne Qırım haberlerine abune oluñız