Kıyivniñ İnstıtutska soqağında uquq qorçalayıcılar, 2014 senesi kiçik aynıñ 18. künü. УНІАН

Devlet taqiqat bürosı, Aqyarlı “Berkut”nıñ dört işçisi ve komadanına şübe bildirdi. Olar silâ alıp, işğalcilerniñ tarafını aldılar ve ruslarğa Qırımnı zapt etmege yardım ettiler.

Devlet taqiqat bürosı bu aqqında haber berdi.

Davanıñ bilgilerine köre, bloknoqtalarda «Berkut»nıñ işçileri «Maydan» faalcileri ve ukrain jurnalistlerini azapladılar.

DTB qayd etti ki, şübelengen adamlar Kıyivdeki tınç nanarazılıqqa quvetli muqavemette faalca iştirak ettiler, silâsız Maydannıñ iştirakçilerine ateş açmağa maqtandılar. Aqyarlı «Berkut»nıñ komandanınıñ iştirakinen Maydandaki vaqialarda üç insan öldürildi ve eñ az 15 insan pek şiddetlice yaralandı. Bundan ğayrı, 60 insan orta şiddetlice yaralandı, 126 insan ise qolayca yaralandı.

«Eski rejimniñ soñ künleri şübelengen adamlar işdeşlerinen beraber Ukraina Prezidentiniñ Memuriyetini qaravul ettiler ve 2014 senesi kiçik aynıñ 20-21. gecesi daa 40 Kalaşnik tüfegini aldılar», — dep bildirildi.

İtibarlıq İnqilâbı yeñgen soñ silânen cinayetçiler Aqyarğa kettiler ve rus işğalli akimiyetiniñ organlarına hızmet etmege başladılar. Olar bloknoqtalarda halqara nezaretçiler, jurnalistler ve uquq qorçalayıcılarnı yarımadağa yibermey ve Rusiyege Qırımnı vaqtınca işğal etmege yardım ete ediler.

«Şu cümleden, bir bloknoqtada eski uquq qorçalayıcılar «Maydan» faalcileri ve jurnalistlerni qanunsız olaraq tuttılar. Olarnıñ vatanperverli nazar noqtaları ve fikirleri seneninden olarnı azaplağan soñ bekrutçılar olarnı RF askerlerine alp ketirdiler. Tek KHVda bu vaqianı aydınlatqan bir qaç kün soñ esir etilgenler azat etildi», — dep bildirildi.

DTB qoştı ki, şübelengen adamlar işğalli akimiyet organlarında vazife ve rus vatandaşlığını aldılar.

«Taqiqatçılar, şübelengen adamlarğa tevqif şeklinde qorçalayıcı tedbirni saylamağa rica etecekler», — dep uquq qorçalayıcılar hulâsa çıqardılar.

Telegram ve Facebookta Suspilne Qırım haberlerine abune oluñız