RF polisi. ForPost

Mayıs ayınıñ 20-24. ve 27-31. künleri devrinde Qırımda böyle degen "Memuriy qıdıruv" operativ-qorçalayıcı tedbiri çerçivesinde işğalciler, sanki memuriy qanunlarnı bozğan insanlarnı tapmaq içün reydlerni keçireler.

Böyle degen Qırım polisi bu aqqında haber berdi.

İşğalcilerniñ bildirgenlerine köre, bu devirde böyle degen "polis"niñ vazifesi - memuriy mesüliyetke çekilgen, "uquq qorçalayıcı organlar" ve işğal makemesinden qaçqan vatandaşlarnıñ yaşayış yerlerini ögrenmektir.

"Tedbirlerniñ esas maqsadı – qabaatlı insanlarnı memuriy mesüliyetke çekmek ve cezadan qaçınmazlıq printsipine riayet etmektir", — dep "polis" haber berdi.

Telegram ve Facebookta Suspilne Qırım haberlerine abune oluñız