Qırım ressamı, faalcisi Boğdan Ziza. Instagram/ Bogdan Ziza

15 senege maküm etilgen Kezlevli qırım ressamı ve faalcisi Boğdan Zizanen deyerli üç aydır ailesi bağlanamay. Bu sene qara qış ayınıñ soñunda o, "Vladimir merkezi" rus apishanesine etap etildi.

Siyasiy mabüsniñ qız qardaşı Oleksandra Barkova Suspilne Qırımğa bu aqqında haber berdi.

"Yazıq ki, soñ zamanlarda ondan haberler yoq. O apishanededir, ve şimdi onen bağlanamayım", — dep añlattı o.

Zizanıñ qız qardaşınıñ sözlerine köre, üç ay evel qardaşınen soñ kere laf etti. O, Barkovnıñ yazğanı soñ mektüplerini almadı. Bunıñ sebebini bilmey.

"Advokatqa oña yibereler, amma şimdi o uzaqlıqtadır, bunıñ içün advokatnıñ da ketmege imkânı yoq. O (Boğdan Ziza — muar.), mektüplerni ala, amma menimkilerni degil", — dep qırım faalcisiniñ qız qardaşı qayd etti.

Boğdan Ziza aqqında ne bilemiz

2022 senesi mayıs ayınıñ 20. künü qırım ressamı ve faalcisi Boğdan Zizağa qarşı "terror aktını yapmağa ıntıluvı" aqqında cinaiy dava açıldı. Onı şübeleyler ki, mayıs ayınıñ 16. künü işğalli şeer memuriyetiniñ binasını boyanen boyaladı ve onı yaqmağa tırışqan.

Bozarğan aynıñ 6. künü Rostov-na-Donudaki Cenübiy bölge arbiy makemesi qırım ressamı ve faalcisi Boğdan Zizanı 15 senege maküm etti.

Bozarğan aynıñ 10. künü Ziza açlıq ilân etti. O, rusiye vatadaşlığından marum etmesini ve ukrain siyasiy mabüslerini azat etmesini talap etti. Bozarğan aynıñ 27. künü açlıq çekmege bitirdi.

Ukrain repçisi Artem Loik, 15 senege maküm etilgen ressam ve faalcini destek etmek içün video çıqardı, çünki Ziza soñ sözüni aytqanda repçiniñ "Krıla" ("Qanatlar" - terciman) yırından sözlerni qullandı.

Qırımda apis etilgen Kezlevli ressam Boğdan Zizanıñ şerefine ukrain ressamları trenni resimlernen yaraştırdılar.

2023 senesi berim ayınıñ 27. künü Vlasıha şeerindeki Arbiy apellâtsiya makemesi, qırım ressamınıñ 15 senelik ükümini deñiştirmeyip qaldı.

Boş aynıñ 12. künü siyasiy mabüsniñ mektüp dostu ondan mektüp alıp haber berdi ki, Boğdan Ziza Perm şeeriniñ 29. müstemlekesine etap etile. Bundan evel arqabaları, etap devrinde qayda bulunğanını bilmegen ediler.

Telegram ve Facebookta Suspilne Qırım haberlerine abune oluñız