İşğalciler bildirdiler ki, çiçek ayında Qırımda az yağmur yağğanı sebebibden Voron ve Ay Sezer özenleri qurudı.
İşğal gidrometmerkezine atıf atetek Telegramda “Qırım 24” teşviqat telekanalı bu aqqında haber berdi.
"Qırım gidrometmerkeziniñ bildirgenine köre keçekn ay yarımadanıñ özenlerinde suv seviyesi pek alçaq edi. Tek Bala Salğır özeninde suv seviyesi normada, başqalarda ise normadan suv seviyesiniñ 54%-i. Bu sebebinden bazılarında suv seviyesi tüşti ya da tamamınen qurudı”, — dep bildirildi.
İşğalciler qayd ettiler ki, Sudaq rayonındaki Voron ve Ay Sezer özenleri quruldı, Aluşta ve Kefe şeerlerindeki özenlerden suv tökip çıqa.
Bundna ğayrı, işğal qırım girdometmerkezi, az yağanaqlar sebebinden yarımadadaki yapma göllerinde suv seviyesi tüşkenini bildirdi.
"Mayıs ayınıñ başında baş özenlerniñ havzalarındaki yapma göllerinde suv seviyesi 190,87 mln m3 edi. Bu, bir ay evelkiden 13,03 mln m3ge az", — dep bildirildi.
Keçenlerde yerli faalci, işğal etilgen Qırımda yañı suv buhranınıñ alâmetlerini Suspilne Qırımğa añlattı. O, Qarasuvbazar ve Aqmescit yapma göllerinen meseleler aqqında haber berip, qayd etti ki, yerli sakinler "akimiyetniñ" "suv daa bir senege yeterli olur" dep ifadesine inanmaylar.
Telegram ve Facebookta Suspilne Qırım haberlerine abune oluñız