Bütün Qırım boyunca, ayrıca Herson vilâyetinen memuriy sıñırındaki yalısında ve yarımadanıñ merkezinde rus askerleri daa çoq mudafaa inşaatını qurmağa başladılar.
Arbiy-partizan areketi “Ateş” öz Telegram kanalında bu aqqında haber berdi.
Areketniñ agentleri yañı qazılğan yollarnı taptılar ve bildireler ki, işğalciler eski qazılğan yollarını quvetlendireler ve Qırımdaki logistik obyektlerini daa diqqatlı qaravul eteler.
"Belki, ortaqları Ukrainağa arbiy ve maliyeviy yardım bergenleri sebebinden böyle adımlar yapılır. ATACMS balistik raketalarınıñ Ukrainağa yollanması Rusiyeniñ akimiyetini raatsız ete. Çünki F-16 yoq etici uçaqları ve başqa vastalarnen beraber bu raketalar, böyle değen “Qırım köprü”nı yoq ete bilir. Bu da cenkniñ vaziyetini tamamınen deñiştirir”, - dep partizanlar tüşüneler.
Telegram ve Facebookta Suspilne Qırım haberlerine abune oluñız