Ukrainada antını bozıp, RF tarafını alğan ve yarımadada rus "makeme organları"nı teşkil etmege yardım etken işğal etilgen Qırımdan 14 makemeci maküm etilecek. Olar 15 senegeUkraina CQniñ 111. maddesiniñ 1. qısmı maküm etile bilirler.
Çiçek ayınıñ 16-sında Qırım MC ve Aqyar şeeriniñ Prokurorlığınıñ matbuat hızmeti bu aqqında haber berdi.
Taqiqatçılar ögrendiler ki, yarımada işğal etilgen soñ 3 qabaatlanğan makemeci, "Qırım Cumhuriyetiniñ Yuqarı makemesi"niñ "başınıñ muavini" ve "makemeci" vazifelerini, ekisi ise "Qırım Cumhuriyetiniñ Arbitraj makemesi"niñ "makemecisi" vazifesini aldılar.
"Başqaları ise Qırım Cumhriyetiniñ işğal etilgen Kezlev, Aqyar ve Keriç şeer, İslâm Terek ve Qarasuvbazar rayon makemelerinde, Aqyar şeeriniñ Gagarin ve Lenin rayon makemelerinde çalışmağa başladılar", – dep bildirildi.
Qabaatlanğan adamlar, ukrain makeme sistemasını işğal sistemasına keçirmege, Rusiyege Ukrainağa qarşı teşviqat faaliyetini yapmağa göñülli olaraq yardım ete ediler. Olarnıñ areketleri Ukraina CQniñ 111. maddesiniñ 1. qısmıdevlet hainligina köre cinayet olaraq tanındı. Şimdi ise olar 15 senege maküm etile bilirler.
Telegram ve Facebookta Suspilne Qırım haberlerine abune oluñız