Çiçek ayınıñ 10-unda Qırımtatar Milliy Meclisiniñ başı Refat Çubarov qırımtararlarnı ve musulman olğan ukrainalılarnı Oraza bayramınen hayırladı. O, islâmnıñ muqaddes Ramazan ayınıñ bitmesini bildire.
Öz Telegram kanalında bu aqqında haber berdi.
"Allağa ibadet eterek, tuvğan Qırımğa sadaqatını qorup saqlayaraq, bir-birinen birligini quvetleştirerek, qırımtatarlar rus işgalcilerine muqavemet köstereler, tamır qırımtatar halqınıñ iradesini ırmağa imkân bermeyler... Qırımtatar Milliy Meclisi adından ve özümden sizni Oraza bayramının hayırlayım", — dep Çubarov qayd etti.
Bundan ğayrı, Ukrainanıñ topraq bütünligi ve mustaqilligini qorçalağan ve Qırımnı işğalden azat etmege cenkleşken asker-musulman olğan ukrainalılarğa teşekkür bildirdi.
Bundan başqa, Meclisniñ başı, işğalciler taradınfan rus apishanelerinde ve müstemlekelerinde qapatılğan siyasiy mabüsler olğan qırımtatarlarnı hatırladı. Onıñ sözlerine köre, olar "qırımtatar halqınıñ serbestlikti sevgen ruhunı köstereler", ve yarımadanıñ işğalden azat etilmesine "işançını pekiteler".
"Yüce Alla Ukrainağa rus duşmanı üzerinde Ğalebe nasip etsin!", — dep Çubarov qayd etti.
Oraza bayramı aqqında ne bilemiz
Musulmanlar ay taqvimini taqip eteler, bunıñ içün Oraza bayramınıñ tarihı er sene deñişe. Rivayetlerge köre, tamam bu ay peyğamber Muhammed Mekkeni zapt etip, Allahtan Quran metinlerini aldı.
Oraza bayramı, 30 künlük orazadan soñ üç kün devam ete. Oraza, ilâhiy tayin gecesi ve iftar bayramında bite. Bu, "insanlarnıñ taliyini tayin etken qadir gecesi"dir. Allanıñ er insannıñ bir sene boyunca qadirini bu gece tayin etkenine inanıla.
2024 senesi çiçek ayınıñ 10-unıñ gecesi bayram başlay ve çiçek ayınıñ 10-unıñ aqşamına qadar onı qayd eteler. Kelecek sene Oraza bayramı 2025 senesi saban ayınıñ 31-inde olacaq.
Telegram ve Facebookta Suspilne Qırım haberlerine abune oluñız