Aqmescit arbiy hastahanesi. Фото: simblago.com

Qırım partizanları haber berdiler ki, işğal etilgen Qırımnıñ Aqmescit arbiy hastahanesi yaralanğan ve öldürilgen rus askerlerinen toludır.

"Ateş" arbiy-vatanperver areketiniñ Telegram kanalında bu aqqında haber berdiler.

"ATEŞ" agenti haber bedi ki, arbiy naqliyatnıñ sırası künde deyerli 24 saat devamında Jıkovskıy soqağındaki arbiy hastahanege kete. Yaralanğan ve öldürilgenlerniñ büyük sayısınıñ esas sebebi, Avdiyivka ve Zaporijjâ yönelişindeki keçken ücümler oldı. Arbiy hastahane tamamınen toludır", — dep partizanlar bildirdiler.

Bundan ğayı, "Ateş"niñ bilgilerine köre, cesetlerniñ büyük sayısı sebebinden olarnı KamAZlarnen hastahanege ketireler.

Telegram ve Facebookta Suspilne Qırım haberlerine abune oluñız