İşğal etilgen Qırımda Ukrainağa tolu miqyaslı tecavuzda iştrak etken rus askerleri, mekteplerde derslerni alıp bermek içün, oquylar.
Suspilne Qırım, işğalcilerniñ ne içün bunı yapqanlarını ögrenmek içün "Almenda" içtimaiy maarif merkeziniñ mütehassısı Oleh Ohredkonen laf etti.
O qayd etti ki, böyle malümat eskidir. Endi keçken sene işğalciler, böyle degen "MAO"Mahsus arbiy operatsiya iştirakçilerini Qırım mekteplerinde qullanmağa başladılar.
"Faqat tek bu sene bu, resmiy seviyede oldı. Berim ayından başlap yaşayış telükesizligi esasları derslerine vatan qorçalaması mevzusını kirsettiler. Anda misal içün granatalar qullanmağa, tıştavdan ateş açmağa ögreteler. Tamam bunıñ içün "MAO" iştirakçilerini qullanalar. Bugün böyle degen QCDPTİQırım cumhuriyet diplomadan soñ pedagogika tasili insitutıda oquv kursları keçe. Anda bu "MAOcılar"nı mektepte derslerni alıp bermege ögreteler. Faqat qabul etilgen vesiqalarğa köre olar tek vaqtınca işğal etilgen Qırım seviyesinde ve Rusiuye seviyesinde çalışalar. Bu, bir standart olacaq ve kiriş vaqtında rus askerleriniñ imtiyazları olacaq — ayrıca pedagogika oquv yurtlarına kirgende", — dep Ohredko añlattı.
Bundan ğayrı, mütehassıs tüşüne ki, bu areketniñ eki sebebi bar.
"Birincisi, “MAO” iştirakçılarınıñ nasıldır faaliyetinen işnen temin etilmesi, yani olar mevcut olğan keleceklerini köreler. Elbette, olar çevirilir. Meselâ, Qırımda 400-den çoq mektep bar, Qırımnı tasavvur etiñiz. Vaqtınca işğal etilgen Aqyarda yüzden çoq mektep bar. Bu, Ukraina cebesinde keçken çoqlu sayda insanıñ meşğulliğidir. Farqlılık olaraq olarğa böyke bir mukâfat bereler. Başqa taraftan, bu, balalar arasında rus askerleriniñ qaramanlaşdırılmasına yönelgen propaganda formasıdır. Çünki balalar manipulyasiya etile bilgen eñ küçlü gruppadır. Olarnı, ne yapqan mümkün, nasıl yapmaq mümkün ve böyle degen vatannı qorçalamaq ne demek olğanını köstergen ve anlatqan böyle degen qaramanlarğa yollaylar", — dep "Almenda" İçtimaiy maarif merkeziniñ mütehasısıs qayd etti.
Bundan başqa, OLeh Ohredko hatırlattı ki, keçenlerde RF maarif naziri Serhiy Kravtsov bildirdi ki, mektepten evelki oquv yurtlarında "Rusiye qartalçıqları" kibi içtimaiy teşkilâtlar teşkil etilecek. Böylece, kuratorlar kerek olacaq.
Telegram, Viber ve Facebookta Suspilne Qırım haberlerine abune oluñız