Qırımnıñ 8 senelik işğali devrinde Ukrainada devlet hainligi sebebinden tek dört üküm çıqarıldı – bir makemeci ve üç mebusqa. Tolu miqyaslı tecavuzdan soñ tahminen 50 üküm çıqarıldı.
Qırım MC ve Aqyar şeeriniñ prokurorlığınıñ reberi İhor Ponoçovnıy Suspilne Qırımğa intervyu bergende bunı añlattı.
"Ğıyabiy qabaatlama nevbetinde makemege davalarnı yollay edik ve olar senelerce oturışlarnı uzata ediler", — dep qayd etti o.
Ponoçovnıy tüşüne ki, tolu miqyaslı tecavuz başlağan soñ vaziyet deñişti. Ne deñişti? Makemecilerniñ dünya baqışımı?
"Makemecilerniñ dünya baqışı, tolu miqyaslı tecavuz başlağan soñ ukrainalılarnıñ çoqusınıñ dünya baqışı kibi, deñişse kerek", — dep muhtariyet prokurorlığınıñ reberi bildirdi.
Telegram, Viber ve Facebookta Suspilne Qırım haberlerine abune oluñız