Muhtariyet prokurorlığı, "Qırım Cumhuriyetiniñ Devlet Şurası"nıñ işğal mebusına şübe bildirdi.
Telegram kanalında Qırım MC ve Aqyar şeeriniñ prokurorlığınıñ matbuat hızmeti bu aqqında haber berdi.
Taqiqatçılar ögrendiker ki, tolu miqyaslı tecavuzdan soñ şübelengen adam, Ukrainağa qarşı propaganda kampaniyasını başlattı. Böyle degen mebus, işğal KVHda söz ayttı ve Qırım sakinlerini "Mahsus arbiy operatsiya"nı destek etmege çağırdı, cenk areketleriniñ qanunlığını bildirdi.
"Mebus", duşmannıñ cinayetlerini "neonatsizm"nen küreş, "tunç yaşağan ealini qurtaruv" ve "topraqlarnı azat etüv" olaraq aydınalata edi. Bütün nutuqlarında işğalcilerniñ ve "rus dünyası" ğayesiniñ pozitif körünüşini yaratmağa tırışa edi", — dep bildirildi.
Uquq qorçalayıcılarnıñ qayd etkenlerine köre, umumen 2014 senesi Qırım işğal etilgen soñ şübelengen adam, Qırımdaki "akimiyet organları"nda karyera yapmağa başalğan.
"Mebus"nıñ areketleri, RFnıñ Ukrainağa qarşı silâlı tecavuzını aqlama, qanunlığını tanıma, onıñ iştirakçilerini şanlaştırma (Ukraina CQniñ 436-2. maddesiniñ 3. qısmı) ve duşmannen işdeşlik (Ukraina CQniñ 111-1. maddesiniñ 6. qısmı) olaraq tanınadı. Sanktsiyağa köre o, on eki senege maküm etile bilir.
Muhtariyet prokurorlığı, qabaatlanğan adamnıñ adını bildirmedi, amma Suspilne Qırım öz menbalarından öğrendi ki, Şonus İvan Aristovıç aqqında laf etemiz.