Orta küz ayınıñ 24-ünde Praha şeerinde (Çehiya) halqara Qırım platformasınıñ ekinci parlament sammiti olacaq. Anda bütün dünyadan deyerli 70 parlament delegatsiyası iştirak etecek.
Ukraina Yuqarı Şurasınıñ saytında bu malümat bildirildi.
UYŞnıñ nutuqçısı Ruslan Stefançuk ve Çehiya parlamentiniñ Mebuslar palatasınıñ nutuqçısı Pekaroca Adamova sammitniñ başları olacaq.
Bundan ğayrı, orta küz ayınıñ 23-24 künlerinde Stefançuk Çehiya prezidenti Peter Pavel, Pekarova Adamova, Çehiya Parlamentiniñ Senatı prezidenti Miloş Vıstrçılo, ülkeler-ortaqlarnıñ parlamentleriniñ reberlerinen eki taraflı körüşüvlerni keçirecek.
"Parlament boşluğınıñ maqsadı Ukrainağa yardım, suverenitetini ve topraq bütünligini qaytaruv meselelerinde halqara ğayretlerni birleştirmek, Qırımnıñ qanunsız işğali meselesine ve Ukrainanıñ bütün topraqlarını işğalden azat etüv yollarına diqqat celp etmektir", — dep Yuqarı Şuranıñ saytındq bildirildi.
Qırım platformasınıñ birinci parlament sammiti aqqında ne bilemiz
- 2022 senesi orta küz ayında Zahreb şeerinde Halqara Qırım platformasınıñ birinci parlament sammiti keçirildi. Anda iştirak etmege eñ az 50 ülke ve müessesenin vekilleri davet etildi.
- Sammitte tahminen 400 dünya siyasetçisi iştirak etti. Şu cümleden, parlament assambleyası, halqara teşkilâtlar, Avropa parlamenti, AQŞ, Hırvatistan, Büyük Britaniya, Latviya, Estoniya, Litvaniya, Çehiya, Lehistan, Almaniya, Türkiye, İsveçiya, Kanada, Yaponiya vekilleri.
- Sammitniñ iştirakçileri, orta deklaratsiyanı tasdıqladılar. Anda da Qırımda insan aqlarınıñ muntazam bozmalarını takbih ettiler.
- Halqara kün mevzusında yarımadağa, Qırımda insan aqlarınını qorçalav meselesine, ukrain topraqlarını işğalden azat etmege yardım etmege diqqat ayırmaq maqsadınen 2021 senesi arman ayında Kıyiv şeerinde müessese sammitinde Ukrainanıñ teşebbüs etkeni halqara idare mehanizmi "Qırım platforması" başlatıldı.
Telegram, Viber ve Facebookta Suspilne Qırım haberlerine abune oluñız