Vaqtınca işğal etilgen Qırımda rus ordusınıñ askerlerini tedaviyletmek içün daa çoq hastahane arbiy hastanalerge çevireler. Bu sebebinden vatandaşlar zarar köreler.
Ukraina prezidentiniñ QMCdeki daimiy vekilligi bu aqqında haber berdi.
"İşğal etilgen Qırımda ruslar, vatandaş hastahanelerini arbiy maqsatlarnen daa çoq qullanmağa devam eteler. Rus ordusınıñ askerlerini tedaviyletmek içün vatandaşlarnıñ tibbiy hızmetlerni alma imkânlarını sıñırlayaraq, daa çoq hastahaneni arbiy hastahanege çevireler", – dep bildirildi.
Qayd etildi ki, yaralanğan rus askerleriniñ büyük sayısı sebebinden tibbiyet sisteması, bunı dayanamaz ve vatandaşlarğa tibbiy hızmetlerniñ keyfiyeti boza.
Qırımdaki vatandaş hastahanelerinde yatqan rus askerleri aqqında ne bilemiz
- Mayıs ayında Aqmescitteki Semaşko adına tibbiy merkez, rus askerleriniñ ihtiyaclarına berdiler, yerli sakinlerni tedaviylemege ise red ettiler.
- "QırımSOS" uquq qorçalayıcı teşkilâtınıñ bilgilerine köre, işğal etilgen Qırımnıñ farqlı şeerleriniñ çoq hastahanesinde yaralanğan rus askerleri yatarlar. Tibbiy müessiselerde vatandaşlar içün yer yetersiz ola.
- Saban ayında işğal etilgen Aqyardaki vatandaş fan merkezlerinden klinik arbiy hastahane içün rus tecavuzcıları, qan aldılar.
Telegram, Viber ve Facebookta Suspilne Qırım haberlerine abune oluñız