Ukrayina Mudafaa quvetleri işğal etilgen Qırımda duşmannıñ eki «Patsir» zenit raketa-top kompleksi ve ateş noqtasına ücüm etti. Ücümler boş aynıñ 3-nde ve boş aynıñ 4-nde gece maalinde etildi.
USQniñ Baş ştabı bu aqqında haber berdi.
Baş ştabnıñ malümatına köre, yarımadada rusiye ordusınıñ qullanğanı «Patsir S-2» ZRTK ve daa bir «Patsir» kompleksi, em de duşmannıñ ateş noqtası ücüm etildi.
Baş ştab añlattı ki, «Patsir» kompleksleri Qırımdaki ve RFnıñ cenübindeki rusiye obyektlerini ukrayin uçucısız uçaq aletlerinden ve raketalarından qorumaq içün qullanıla. Böyle sistemalarnıñ zarar körmesi rusiye ordusınıñ ava mudafaasını zayıflata.
Bundan ğayrı, ukrayin askerleri işğalcilerniñ Zaporijjâ vilâyetiniñ Vladivka meskün yeri yanındaki dronlarnı idare etüv mekrezine ve rusiye ordusınıñ Luğansk vilâyetiniñ Bilovodks rayonındaki malzeme-tehnikiy vastalar anbarına ücüm ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız