İşğal etilgen Qırımnıñ bir qaç şeerinde ve rayonında elektrik teminatınen bağlı meseleler çıqtı. Şu cümleden, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde, Simferopol (Aqmescit) rayonında, Aluşta, Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Saq şeerlerinde elektrik kesildi. Bazı meskün yerlerde sıñırlayıcı cedvel qayd etildi, Yevpatoriya (Kezlev) şeerinde ise suv teminatınen bağlı meseleler aqqında haber bereler.
Aluşta şeeriniñ işğalli memuriyetiniñ malümatına köre, şeerde ağda quvet tüşkeni içün elektrik sönüdürüv cedveli kirsetildi. Aynı zamanda cedvel şimdilik belli olmay.
«Aluşta REMniñ malümatına köre, belediyede quvet tüşkeni içün elektrik sönüdürüv cedveli kirsetildi. Şu anda keskin cedvel bermek imkân yoq», — dep bildirdi işğalli memuriyet.
Saq şeerindeki vaziyet de aynı. Şeerniñ işğalli «başı» Yuliya Predıbaylonıñ sözlerine köre, keskin elekrik söndürüv cedveli yoq. İmkân olğanda elektrik «üç saat elektriknen — üç saat elektriksiz» cedveline köre berilir.
Yevpatoriya (Kezlev) şeeriniñ bir çoq rayonında elektrik kesildi. Bundan ğayrı, anda suv teminatınen bağlı meseleler çıqtı. Şeerniñ işğalli başı Vitaliy Oganesân bunı belediye tışındaki ağlarda qaza-tamir işlerinen añlattı. Bu sebepten suv teminatı sistemasında basım tüşti.
Simferopol (Aqmescit) şeerinde elektrik teminatınen bağlı meseleler sebebinden trolleybuslarnıñ areketi vaqtınca deñiştirildi. Şeerniñ işğalli memuriyetiniñ malümatına köre, Kuybışev meydanından Maryinege qardar, Kuybışev meydanında Borodinge qadar ve Moskoletsten Borodinge qadar topraqlardaki alâqa ağıda kerginlik qısmen yoq.
Bundan ğayrı, Sevastopol (Aqyar) şeerinde de elektrik teminatınen bağlı sıñırlamalar bar. Şeerniñ işğalli «gubernatorı» Mihail Razvojayev bu aqqında haber berdi. Onıñ sözlerine köre, bu gece şeer tışındaki energetika astyapı obyektleri ücüm etildi, Sevastopol (Aqyar) şeerine kelgen elektrik energiyasınıñ büyük qısmı başqa bölgelerden kele ve bunıñ sebebinden bozmalar energetik teminatına tesir etti.
Razvojayev qay etti ki, şimdi şeerde «eki saat elekrtiknen — altı saat elektriksiz» cedveline riayet etip olamaylar, çünki kelgen elektrik energiyasınıñ miqdarı böyle rejimni temin etmek içün yetmey.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız