Orta küz ayınıñ 26-na qadar işğal etilgen Qırımda Rusiye ordusını itibardan tüşürüv aqqında 1804 dava qayd etildi.
Ukrayina Prezidentiniñ Qırımdaki Temsilciligi bunı bildirdi.
«1776 davasında para cezası berildi ya da dava başqa maddelerge istinaden başqa bir davağa qoşuldı ve umumiy qarar qabul etildi. Sekiz adise baqılmağa devam etile. Qararlarnıñ 53%-i (880) qadınlarğa qarşı, 47%-i (794) ise erkeklerge qarşı açıldı», — dep qayd etildi haberde.
Hatırlatamız ki, 2026 senesi qara qış ayınıñ 19-nda 1664 dava qayd etilgen edi.
Daa evel Ukrayina Prezidentiniñ Qırımdaki Temsilciligi böyle davalarnıñ sayısı artqanını bildirgen edi. 2024 senesi vaqtınca işğal etilgen Qırım toprağında Rusiye Federatsiyası «mahkemeleri» tarafından «Rusiye Federatsiyası ordusını itibardan tüşürüv» maddesine istinaden 494 dava, 2025 senesi ise — endi 518, yani 24 dava, ya da 5%-ge çoqça dava baqıldı.
Ermeni Bazar mahkemesinde eñ çoq dava baqıla
Eñ çoq dava Ermeni Bazarda açıldı. 2024 senesi «Ermeni şeer mahkemesi» 494 davanıñ 220-ni baqqan edi (qararnen 44%-i), 2025 senesi ise — 518-niñ 264-ü (51%-den ziyade).
«Kontrol keçitinde baqılğanda, Rusiye Federatsiyası Herson vilâyetini işğal etkenine ve Anayasağa kirsetkenine baqmadan, kontrol keçitini qaldırdılar, bu da işğal etilgen Herson vilâyetiniñ ealisinden qorqmağa devam etkenini ve qavğalardan qaçınmağa tırışqanını köstere. Bu, Hersondan ğayrı, vaqtınca işğal etilgen topraqnıñ ealisini nezaret etüv şeklidir», — dep tarif etti Suspilne Qırımğa Ukrayina Prezidentiniñ Qırımdaki temsilcisiniñ muavini Denıs Çıstikov.
O ayttı ki, bu «mahkeme»niñ işğalli topraqlarda memuriy basqı ve repressiv qararlar çıqarılmasınıñ esas aletlerinden biri olaraq qullanılğanını köstere.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız