Orta küz ayınıñ 22-nde Kıyivde Qırımnıñ mimarlıq mirasına bağışlanğan «Qırımtatar mimarlıq abideleri» sergisi açıldı.
Leyhanıñ müellifi ve reberi, «Ukrayina merasim medeniyeti» cemaat teşkilâtınıñ reisi Valeriya Levkivska bunı bildirdi.
Ekspozitsiya «Qırımtatar studiyaları» halqara tasil medeniy-bediiy leyhası çerçivesinde, V. Ğ. Zabolotnıy adına Devlet ilmiy mimarcılıq-qurucılıq kitaphanesi ile işbirlikte azırlandı.
Levkivskanıñ aytqanına köre, sergi Ukrayinada beş yıllıq leyha çerçivesinde onuncı oldı. Onıñ maqsadı — Qırımnıñ mimariy mirasına diqqat çekmek ve onı medeniy ve haber alanında saqlamaqtır.
Sergide sanat eserleri, qırımtatar eviniñ maketi ve leyha ortaqları tarafından yaratılğan kompozitsiyalar taqdim etildi. Hususan, mimarlar Vitaliy Zdanovskıy ve İvan Kuşnir Pıroğovodaki Ukrayina halq mimarlığı ve yaşayış milliy müzeyinde «Ukrayinanıñ cenübi» ekspozitsiyasında taqdim etilgen qırımtatar eviniñ kontseptsiyası ve mekân qurulışınıñ müellifleridir. O, cami-mektep, çeşme ve kerçek manzaranıñ ğayrıdan yaratılmasını közde tuta.
Mimar ve ressam Yuliya Krasovska öz resimi ve resim mektebiniñ talebeleriniñ 23 eseri ile tanıştırdı. Sergide Birlik School qırımtatar litseyiniñ Sofiya Kıçanıñ resimi ve Elvisa Tatarnıñ Türkiyedeki usta dersi vaqtında yapılğan Lenara Umerivna Kacınıñ keramik çanaqları da bar edi.
Kurator ekskursiyası vaqtında Valeriya Levkivska iştirakçilerniñ Qırım şeerleri aqqında şahsiy hatıralarınen eksponatlar aqqında tarif etti. Feride İbragimova Bağçasaray aqqında tarif etti, Niyara Mujdabayeva Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), tarihiy adı ile de belli olğan Gezlev aqqında tarif etti, Afize Emiramazayeva Sudaq ve Ceneviz qalesi aqqında tarif etti, Birlik Schoolnıñ müdiriniñ muavini Batul Rustamova Bağçasaray rayonı aqqında tarif etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız