Ukrayina prokurlığınıñ Qırımdan eki sabıq hadimini devlet hainligiUkrayina CQniñ 111-nci maddesiniñ 1-nci qısmınde qabaatlap mahkeme etecekler. 2014 senesi yarımada işğal etilgen soñ olar qanunsız şekilde qurulğan Rusiye prokurorlığınıñ organlarında çalışmağa razı oldılar.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Tahqiqatnıñ malümatına köre, Qırım işğal etilmeden evel qabaatlanğanlar Yalta prokurorlığınıñ baş prokurorı ve Qırım Muhtar Cumhuriyeti prokurorlığınıñ mahkemesinde vatandaşlarnıñ ve devletniñ menfaatlarını temsil etüv ve qoruv idaresiniñ bölüklerinden biriniñ prokurorı olıp çalışqan ediler.
2014 senesi olar işğalli akimiyetniñ vekilleriniñ qanunsız şekilde qurulğan prokurorlıq organlarında çalışmağa teklifine razı oldılar. Qabaatlanğanlardan biri Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) Merkeziy rayonınıñ işğalli prokurorlığınıñ yolbaşçısı edi. Bundan soñ o, Bağçasaray ve Krasnoğvardiyskıy (QurmanRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonlarınıñ ve işğalli Simferopol (Aqmescit) prokurorlığında karyerasını devam etti.
Digeri, tahqiqat malümatına köre, «Yalta prokurorınıñ baş yardımcısı» vazifesini aldı.
Eki sabıq prokurorğa qarşı qabaatlav vesiqaları mahkemege yollanıldı. Olarnı devlet hainliginde qabaatlaylar. Olar 15 yılğa qadar apis cezasını ala bilirler.
Suspilne Qırımğa uquq qorçalayıcı organlardan menbalar anonim şeklinde haber etti ki, söz Merentsov Serğiy İğorovıç ve Memetov Amet Enverovıç aqqında kete.
Ukrayina Anayasasınıñ 62-nci maddesine binaen, şahıs cinayet işlegeninde qabaatsız sayıla ve qabaatı qanuniy şekilde isbatlanıp, mahkeme qararınen belgilenmegence, cinaiy cezanı çekip olamay.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız