İşğalli Bağçasaray mahkemesinde Baştanivka köyüniñ sakini umumiy rejimli müstemlekede 6 yılğa qanunsız şekilde mahküm etildi. Ruslar onı internette Ukrayina Silâlı quvetlerini maliye etmege çağırğanıRF CQniñ 280.4-nci maddesiniñ 2-nci qısmınıñ «c» noqtası — haber-telekommunikatsiya ağlarını qullanaraq devlet havfsızlığına qarşı faaliyetnen oğraşmağa ağıruvlarnda qabaatladılar.
Orta küz ayınıñ 15-nde işğalli Qırım prokurorlığı Telegramda bu aqqında haber berdi.
«Mahkeme ögrendi ki, genç adam içtimaiy ağlardan birinde Ukrayina Silâlı quvetlerini maliye etmege çağırğan betyanatlarnı yerleşe edi. 2025 senesi yazda tapılacağından qorqıp, o, öz esaplarını sildi. Devlet qabaatlayıcısınıñ nazar noqtasını köz ögüne alıp, mahkeme adamnı umumiy rejimli müstemlekede 6 sene qalmağa mahküm etti ve 5 yılğa içtimaiy ağlarda, elektrok ve haber-telekommunikatsiya ağlarında, şu cümleden İnternet ağında veb saytlar, forumlar, çatlar ve gruppalarnıñ idareciliginen bağlı faaliyetnen oğraşmağa yasaq etti», — dep qayd etildi haberde.
TASS devlet agentliginiñ haber etkenine köre, qanunsız şekilde mahküm etilgen Qırım sakini 35 yaşındadır. İşğalciler onıñ şahsiy bilgilerini bildirmediler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız