İşğal etilgen Qırımdan santıraççı Serğiy Karâkinni War&Sanctions portalında Kremlniñ tesir agentleri cedveline kirsettiler. Ukrayina istihbaratınıñ malümatına köre, o, teşviqat leyhalarını ömürge keçire ve Rusiye arbiy hızmetçileri içün santıraç turnirlerini teşkil ete.
Ukrayina Mudafaa nazirliginiñ Baş istihbarat idaresi bu aqqında haber etti.
«Serğiy Karâkin — işğal etilgen Qırımnıñ büyük santıraç ustası, "Rus evlerinde santıraç diplomatiyası" teşviqiy leyhasını ve işğalciler içün "Şahmatı dlâ SVOihÖzleri içün santıraç» turnirini ömürge keçirgen sahte senator», — dep qayd etildi haberde.
Serğiy Karâkin Qırım işğal etilgen soñ yarımadada qaldı, MHMŞMilliy Havfsızlıq ve Mudafaa Şurasınıñ sanktsiyaları altında edi, dep tarif etti Suspilne Qırımğa Kıyiv santıraç federatsiyasınıñ prezidenti Oleksiy Malıy
«O, Ukrayina ve vatandaşlarımızğa nisbeten açıqtan-açıq insaniyetsiz nazar noqtası sebebinden MHMŞnıñ sanktsiyaları altında edi. O, Rusiye parlamentiniñ azası ola. Ukrayina Santıraç federatsiyasınıñ prezidenti Kamışın ve vitse prezidenti Volodımır Kovalçuknıñ ğayretleri sayesinde oña qarşı MHMŞnıñ sanktsiyalarınıñ kirsetilmesine ve FİDEniñ bütün turnirlerinde iştirak etüvden eki yılğa yasaq etilmesine irişildi. Yani, bu insanlar daa 2014 senesi öz qararını bergen insanlardır», — dey Oleksiy Malıy.
Karâkinden ğayrı, MHMŞMilliy Havfsızlıq ve Mudafaa Şurasınıñ Sahte malümatqa qarşılıq merkezi Bİİ ile beraberlikte War&Sanctions portalında «Kreml ruporları» ve «Terror çempionları» bölügine daa altı medeniyet, media ve sport erbabını qoştı, olar Ukrayinağa qarşı cenkke qoltutalar ve Rusiye «Yedinaya Rossiya» firqası içün RF Devlet Dumasına saylavlar vaqtında teşviqatnı keçire ediler.
Cedvelde, hususan, Rusiye sportçularınıñ Rusiye bayrağı altında halqara yarışlarğa qaytması içün küreşken Rusiye Devlet duması mebusı Vâçeslav Fetisov bar.
Daa bir iştirakçi — Yuta lâğabınen rus yırcısı Anna Osipova. Bİİniñ malümatına köre, o, yırlarnı Rusiye arbiy hızmetçilerine bağışlay ve olarnıñ Ukrayinağa qarşı cenkte iştirak etkenini populârlaştıra.
Umumen alğanda, War&Sanctions portalında «Kreml Ruporları» ve «Terror çempionları» bölükleri, Ukrayina müessiseleri tarafından Rusiye teşviqatı ve tesir etüv operatsiyaları ile bağlı olğan 450-den ziyade adam aqqında malümatnı taqdim ete.
Bİİ ve Sahte malümatqa qarşılıq merkezi halqara toplulıqnı Rusiye teşviqat aleti ve RF sport lobisiniñ vekillerine qarşı şahsiy sanktsiyalar kirsetmege çağırdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız