Orta küz ayınıñ 13-17 künleri işğal etilgen Aluştada ve onıñ civarındaki köylerde gaz berilmesi toqtatılacaq. Sebebi, Ulu Özenden köpürniñ rekonstruktsiyası esnasında gaz borusınıñ yerini deñiştirüv işleri ola.
«Krımgazseti» işğalli müessisesi bunı bildirdi.
Rusiye kontrolindeki müessiseniñ malümatına köre, iş işğalli Qırım avtomobil yolları hızmetiniñ planlaştırğan rekonstruktsiyası çerçivesinde yapılacaq.
«Bu sebepten orta küz ayınıñ 13-nde saat 8:00-den orta küz ayınıñ 17-nde saat 17:00-ge qadar Aluşta şeer bölgesiniñ istimalcılarına gaz berilmesi toqtatılacaq, şu cümleden: Aluşta şeerine ve İzobilne, Semıdvorya, Nijnâ Kutuzivka, Verhnâ Kutuzivka, Lavanda, Luçıste, Vınoğradne köylerine», — dep qayd etti matbuat hızmeti.
Hatırlatamız ki, işğal etilgen Qırımda elektrik energiyasınıñ qullanuvı sıñırlana. Bağçasaray rayonında energetik obyektinde tehnologik bozuluvlar sebebinden elektrik teminatı ile qıyın vaziyet saqlanıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız