Ukrayina Mudafaa nazirliginiñ Baş istihbarat idaresi işğal etilgen Qırımda qanunsız arheologik işlerde iştirak etken beş şahısnıñ malümatını aydınlattı. Bundan da ğayrı, istihbarat, onıñ malümatına köre, Eski Mirmekiy şeerinden hırsızlanğan 14 ukrayin medeniy qıymeti aqqında malümatnı derc etti.
Malümat War&Sanctions portalınıñ «Hırsızlanğan miras» bölüginde yerleştirildi.
За даними ГУР, з 2020–2021 років російська окупаційна влада проводить масштабні археологічні роботи на території та поблизу Херсонеса Таврійського в межах проєкту «Новий Херсонес».
Bİİniñ malümatına köre, 2020-2021 seneleri Rusiye işğalli akimiyeti «Yañı Hersones» leyhası çerçivesinde Hersonesniñ toprağında ve civarında büyük arheologik işler keçire.
2024 senesi oraq ayında bu leyha çerçivesinde «Yañı Hersones» tarihiy-arheologik parkı ve müzey-mabet kompleksi açıldı. Bİİ qayd ete ki, qurucılıq abideniñ tarihiy-arheologik müitine kirişüvnen beraber ketirildi, qurucılıq işleri ise medeniy qatlamnıñ bir qısmını bozdı ve yoq etti.
İstihbarat, leyhanıñ amelge keçirilmesinen bağlı olğan dört insannıñ bilgilerini aydınlattı:
- Nataliya Solovyova — Rusiye ilimler akademiyasınıñ Maddiy medeniyet tarihı institutınıñ qurtarıcı arheologiya merkeziniñ müdiri;
- İvan Yesin — «Meniñ tarihım» gumanitar ilimlerniñ destek fondunıñ müdiri;
- Maksim Jukalov — Sevastopol (Aqyar) gubernatorınıñ sözde muavini;
- Larısa Şepko - «Donetsk devlet universiteti»niñ dünya tarihı kafedrasınıñ professorı.
Bİİ malümatını açıqlağan beşinci şahıs, RİAniñ Maddiy medeniyet tarihı institutınıñ Antik medeniyet tarihı bölüginiñ kiçik ilmiy hadimi Nadiya Milihina oldı.
Tahqiqat malümatına köre, Milihina işğal etilgen Qırımda Devlet Ermitajınıñ qanunsız Mirmekiy arheologik ekspeditsiyası vaqtında Rusiye arheologı Aleksandr Butâginniñ yardımcısı edi.
İnsanlardan ğayrı, istihbarat, qanunsız arheologik ekspeditsiya vaqtında Qadimiy Mirmekiy şeerinden hırsızlanğan 14 medeniy eşya aqqında malümatnı derc etti.
Olardan biri — Bosporus devletiniñ qıralı II Savromatnıñ 180-196 senelerine ait bir kapigi, em de milâttan evel 370-350 senelerine ait qara boyalı bir elli kanfar.
Hatırlatamız ki, 2024 senesi Qırım Muhtar Cumhuriyeti ve Sevastopol (Aqyar) şeeri prokurorlığı Butâginge medeniy miras obyektini qanunsız sürette yoq etüvde şübe bildirdi. 2026 senesi qabaatlav «cenk qanunlarını ve adetlerini bozuv» olaraq deñiştirildi. 2025 senesiniñ soñunda Butâgin Poloniyada tutuldı. 2026 senesi çeçek ayında onı azat etip, Rusiyege mabüsler deñiştirüv çerçivesinde teslim ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız