Qırımnıñ Rusiye işğaline qarşı çıqqan ve taqip etilgen insanlarnıñ ikâyeleri «Virtual hatıra alanı. Qırım qarşılığı müzeyi»nde toplandı. Bu, vaqtınca işğal etilgen Qırımda Rusiye tarafından taqip etilgen insanlarğa bağışlanğan birinci raqamlı müzeydir.
Ukrayina Prezidentiniñ Qırım Muhtar Cumhuriyetindeki Temsilciligi bunı bildirdi.
Virtual müzeyde mektüpler, fotoresimler ve şahsiy şeyler toplandı, olar Rusiye repressiyaları ve bu repressiyalarğa oğrağan insanlarnıñ taqdirini añlata.
Sergini ressam Boğdan Zizanıñ tarihı aça. 2022 senesi mayıs ayında işğal etilgen Yevpatoriyada (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) o, ukrayin tarafdarı numayışını keçirdi — işğalli memuriyetniñ binasını mavı-sarı boya ile boyaladı.
Bu sebepten Rusiye mahkemesi Boğdan Zizanı 15 yılğa apiske aldı. Prezidentniñ Qırım Muhtar Cumhuriyetindeki Temsilciligi qayd ete ki, onıñ ikâyesi Rusiye işğaline qarşı çıqqan insanlarnıñ taqip etilüviniñ bir ikâyesidir.
Virtual müzeyge telefon, planşet ya da kompyuter vastasınen irişmek mümkün. 360° formatı sayesinde ziyaretçiler zallardan keçip, sergilernen tanış ola bileler.
«Qırım qarşılığı müzeyi»ni mında ziyaret etmek mümkün.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız