İşğal etilgen Qırımnıñ bir qaç meskün yeri elektriksiz qaldı. Rusiye tarafı yarımadanıñ energetik obyektleri dronlar tarafından ücüm etilgeni aqqında bildirdi.
«Krımenergo» işğalli şirketi elektrik teminatı bozulğanı aqqında haber etti.
«Yarımadada bozulmağan elektrik teminatınen bağlı vaziyet qıyın qala», — dep qayd etildi haberde.
Aynı vaqıtta işğal etilgen Qırımnıñ Qurman rayonında elektrik energiyasını berüv cedveli kirsetildi — üç saat elektiknen, üç saat elektriksiz.
İşğalli rayon memuriyetiniñ yolbaşçısı Vasıl Grabovannıñ aytqanına köre, sıñırlamalar yüksek voltlı ağlarda yüz bergen qaza sebebinden kirsetildi.
«REM brigadaları aqibetlerni yoq etmek içün çalışalar», — dedi o.
Rusiye menbaları bildire ki, bozuluvlar ukrayin dronları Qırımdaki energetik obyektlerine ücüm etken soñ yüz berdi.
Hatırlatamız ki, ilk küz ayınıñ 30-nda aqşam ve orta küz ayınıñ 1-ne keçer gecesi işğal etilgen Qırımda patlavalar eşitildi, şu cümleden Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Nıjnöğirske şeerlerinde. İlk küz ayınıñ 30-nda saat 22:24-te işğalli Qırım FVN yarımadada AMS çalışqanı aqqında haber etti.
Ukrayina tarafı bu malümatnı şimdilik izaatlamadı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız