Ukrayina Silâlı quvetleriniñ İnsansız sistemalar quvetleriniñ «MoLoÇKa» ameliyatı oraq ayınıñ 6-ndan itibaren 11 afta devam ete. Bu vaqıt devamında Qara ve Azaq deñizlerinde Rusiye «kölge flotu»nıñ 300 gemisi bozulğan edi.
İlk küz ayınıñ 22-nde Facebook saifesinde USQUkrayina Silâlı quvetleriniñ İSQİnsansız sistemalar quvetleriniñ komandanı Robert «Madâr» Brovdi bu aqqında haber etti.
Onıñ malümatına köre, Azaq deñizinde 134, Qara deñizde ise 166 gemi bozuldı.
«Azaz deñizi bar ve olacaq, Keriç boğazı ile beraber. Qara deñizniñ şimal ve şimaliy-şarqiy qısmında "qısmet olsa, keçermiz" rejimi bar. Biz turacaqmız. Moskva batacaq», — dep qoştı o.
Hatırlatamız ki, ilk küz ayınıñ birinci aftasında Ukrayina İnsansız sistemalar quvetleri işğal etilgen Qırımda ve Rusiye tarafından işğal etilgen diger topraqlarda 34 elektrik merkezniñ zarar körgenini bildirdi.
Evel işğal etilgen Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) Kozak körfezinde Ukrayina Mudafaa quvetleri Rusiyeniñ 12150 «Mangust» leyhalı tez qaravul katerini urdı. Zarar miqdarı daa belli degil.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız