İşğal etilgen Qırımda gençler içün, Qırım insansız tehnologiyalar tedqiqat institutında keçirilgen «dron savatlılığı» dersleri başlandı. Bu yerde Rusiye arbiy hızmetçileri ve «quvetçileri» içün kurslar keçirile, şimdi ise aynı usulğa oquğan gençler de qoşuldı.
RİA Novosti Krım« bu aqqında yazdı.
«Biz oğlanlar ve qızlarnıñ bu qadar meraqlanacaqlarını tüşünmegen edik. Bir vaqıtları kompyuter savadlılığı bar edi, şimdi ise bizler dron savadlılığına keçecekmiz. Gençler dronlarnı idare etüv mehanizmini añlasınlar, idare etip bilsinler ve ileride belli bir zenaatnı ögrensinler», — dep tarif etti «Qırım insansız tehnologiyalar tedqiqat institutı»nıñ tesisçisi Oleksandr Akulenko.
Onıñ qayd etkenine köre, işğalli Qırım akimiyeti gençlerge dronlarnı idare etmege ögrete, «Qırım dronlar ligası» leyhasınıñ müdiri İğor Boyko ise qayd etti ki, Qırımdaki gençler bir afta içinde dronlarnı idare etüv becerilerini ögrene.
«İnsansız tehnologiyalar institutı»nda Ukrayinağa qarşı cenkleşken Rusiye arbiy hızmetçileri ve Qırım «quvetçileri» azırlana. Şimdi işğalciler gençlerge isbatlanğan usullarnı qullanalar.
«Bizler gençlerni ihtisasiy tasilge — 30 kilogrammğa qadar uçuş ağırlığı olğan dronnıñ operatorı olmağa ögretemiz. Dronnı qullanuv saası ile alâqası olmağan gençlerge ögretüv esnasında, büyüklerge ögretüvniñ aynı usuliyeti qullanıla. Bu esnasda, ameliy sürette, genç adamnıñ bir afta içinde dronlarnı idare etüv qabiliyetlerini añlaması pek mümkün olğanını añladıq», — dep qayd etti Boyko.
Hatırlatamız ki, keçken afta işğalciler «Qırım dron ligasınıñ açıq kubogı»nı teşkil ettiler, oña 14 yaşından gençler, şu cümleden aliy sınıflar, aliy oquv yurtları ve kolleclerniñ talebeleri qoşuldı. Dronlarnı idare etüv yarışları Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) naqliyat ve astyapı tehnikumında keçirildi.
Balalarnıñ böyle tedbirlerge celp etilüvi, işğal altındaki çağına yetmegenlerniñ qanunsız arbiyleştirilüviniñ bir qısmıdır. İlk küz ayınıñ 9-nda Avropa Şurası teşkilâtnıñ baş kâtibi Alen Berseniñ maruzasını derc etti.
«VİETVaqtınca işğal etilgen topraqlarda 1,6 million çağına yetmegen Ukrayina vatandaşı yaşay. 20 biñden ziyade ukrayin balası hırsızlanıp, Rusiye Federatsiyasına ve VİETğa alıp ketirildi. İşğalli rejimi ukrayin balalarınıñ kimligini deñiştirmek, olarnı arbiyleştirmek ve terbiyelemek içün sistematik şekilde çalışa. Kremlniñ maqsadı — ukrayin balalarını Rusiye ordusı içün mobilizatsiya resursına çevirmektir«, — dep añlata maruzada Strategik kommunikatsiyalar merkezi.
«Sarı şerit» muqavemet areketi bildirdi ki, böyle yarışlar balalarnı Rusiye Silâlı quvetleriniñ saflarına celp etmege azırlay.
«Qırım İnsansız tehnologiyalar institutınıñ müdiriniñ işğalci mesleatçısı İğor Boyko böyle tedbirler iştirakçilerni işğalli orduğa qoşuluvğa azırlamaq içün yapılğanını açıqtan bildirdi», — dep qayd etildi haberde.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız