İşğalciler «Artek» bala lageriniñ işini ğayrıdan tikleyceklerini bildirdiler. Anda Qırım ve Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) qayd etilgen balalar raatlana bilecekler.
İşğalli Qırım yolbaşçısı Sergey Aksönovnıñ fermanına esaslanıp, RİA «Novosti Krım» bu aqqında haber etti.
Bundan da ğayrı, Qırım müessiseleri Rusiyeniñ bütün bölgelerinden kelgen balalarnen sport tedbirleriniñ keçirilmesi içün yerler açacaq.
İlk yaz ayınıñ 22-nden berli «Artek» çalışmay edi
Hatırlatamız ki, 2026 senesi ilk yaz ayınıñ 22-den başlap işğalciler Qırımda bala lagerleriniñ yerlerini ayırtmasını toqtattılar. Sebebi — telükesizlik vaziyeti.
İlk yaz ayınıñ 21-nde lagerde yedinci nevbet başlaycaq edi, amma balalar qabul etilmedi.
2025 senesi «Artek» lagerine qarşı sanktsiyalar kirsetildi.
2026 senesi çiçek ayında «Sahte malümatqa qarşılıq merkezi»niñ bildirgenine köre, lagerde uçucısız uçaq aletlerini idare etüv kursları başlatıldı. Arbiyleştirüv siyaseti sebebinden bir sıra memleket Rusiye kontrolindeki «Artek»ke qarşı sanktsiyalar kirsetti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız