İlk küz ayınıñ 9-na keçer gecesi işğal etilgen Qırımda patlavlar oldı. Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) ava telükesi ilân etilgen edi, işğalli akimiyet ise kütleviy dron ücümini ilân etti.
İşğalli Sevastopol (Aqyar) «gubernatorı» Mihail Razvojayev bunı bildirdi.
«Bizim arbiy hızmetçilerimiz, aviatsiyamız, AMSAva mudafaası sisteması ve mobil ateş gruppalarımız USQUkrayina Silâlı Quvetleriniñ kütleviy ücümini toqtattı. 7-den ziyade UUA tüşürildi», — dep yazdı o.
Razvojayevniñ aytqanına köre, insanlar yaralanmadı. İşğalli Sevastopol (Aqyar) qurtaruv hızmeti Gagarin ve Balıqlava rayonlarında dört şahsiy evniñ zarar körgenini bildirdi. Yerli sakinlerniñ bildirgenlerine köre, binanıñ pencereleri qırıldı ve diger zararlar qayd etildi. İşğalli akimiyetniñ malümatına köre, bir qaç yerde dron parçaları tüşti.
Aynı vaqıtta «Qırım yeli» Telegram kanalı, şaatlarnıñ malümatına esaslanıp, Keriçniñ Arşıntsevo rayonında dron uçması ve patlav aqqında, em de Sevastopolnıñ (Aqyarnıñ) Fiolent burnu yanında dronlarnıñ uçması ve Megan burnu rayonında ateş açılması aqqında haber etti. Bundan ğayrı, kanal Velıka Yaltada ve Azovske qasabasında eki patlav aqqında haber etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız