İtaliyanıñ Turın şeerinde ukrayin arbiy esirlerini, habersiz ğayip olğanları, Kreml mabüslerini, şu cümleden Qırımdan olğanlarına qoltutuv aksiyası olıp keçti.
«Qırımtatar Resurs Merkezi» bu aqqında malümat berdi.
Şeerniñ merkeziy meydanında keçirilgen tedbirge ukrayin cemaatınıñ vekilleri, mebuslar ve yerli siyasiy quvetlerniñ vekilleri, şeer sakinleri qatnaştılar.
«Tedbir devamında iştirakçiler, Ukrayinanıñ çeşit köşelerinden olğan, şu cümleden Qırım MCden olğan, Rusiye esirliginde bulunğan, habersiz ğayip sayılğan ve inkommunikado statusında olğan ukrayinlerniñ fotolarını tuttılar. Hususiy diqqat, Rusiye Federatsiyasınıñ işğal etilgen topraqlarda qanunsız şekilde azatlıqtan marum etken tınç sakinlerine ayırıldı», — dep qayd etildi haberde.
Bundan ğayrı, Qırım siyasiy mabüsi Serğiy Lıhomanovnıñ qardaşı Tetâna Zelena, işğalciler tarafından 2023 senesi Qırımda hırsızlanğan qardaşınıñ ikâyesini añlattı. Onı eki kere siyasiy sebeplerden qabaatlavlar boyunca mahküm ettiler, siyasiy mabüsniñ şimdi qayda olğanı belli degil.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız