USQniñ Baş Ştab, keçken kün devamında ve arman ayınıñ 31-ne keçer gecesi Rusiye bölükleriniñ işğal etilgen Qırımnıñ Qır Baylarsabıq köy şimdi ise Qurman rayonınıñ meskün yeriniñ qaytarılğan tarihiy adı köyündeki (Qurman rayonı) madde-tehnik vastaları anbarlarına zarar ketirilgenini bildirdi.
Arman ayınıñ 31-nde Baş Ştab Facebook saifesinde bu aqqında haber berdi.
«Ketirilgen zararnıñ derecesi ögrenile. Duşmannıñ esas arbiy maqsatları üzerinde iş devam ete», — dep qayd etti ştab.
Qayd etilgenine köre, Brânsk vilâyetinde, hususan Desnânskiy qasabasında, radiolokatsiya stantsiyasına ve Ploskobukreyevka yanında ise — S-400 «Triumf» zenit-raketa kompleksi terkibindeki komanda-ştab maşnasına zarar ketirildi.
Bundan ğayrı, Belgorod vilâyetiniñ Zimovnoye köyünde Rusiye bölüginiñ bağ merkezi, em de Kursk vilâyetiniñ Popovo-Lejaçih köyünde RF ordusınıñ madde-tehnik teminat anbarlarına zarar ketirildi.
Hatırlatamız ki, uydular Canköy ava limanı rayonında yanğınnı qayd etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız