Ukrayinada üç işğalli prokuror, devlet hainligi içün ğıyabiy şekilde 13 ve 14 senege mahküm etildi.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı malümat berdi.
«Şu cümleden, mahküm etilgenler, sözde «Qırım Cumhuriyeti prokurorlığı»nda vazifeler almağa razı oldılar, tam olaraq: federal qanunnameniñ icrasına nezaret idaresiniñ müdiri — iqtisadiyat saasında qanunnameniñ icrasına nezaret bölüginiñ müdiri; federal qanunnameniñ icrasına nezaret idaresiniñ prokurorı; Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) ş. prokurorınıñ baş muavini», — dep qayd etildi haberde.
2017-2018 seneleri olarnıñ ekisi işğalli teşkilâtlarda «kariyerasını qurmağa» devam etti: biri «Lenin rayonı prokurorınıñ muavini» vazifesinde, digeri ise Yevpatoriya (Kezlev) ş. idaresiniñ «mülk ve toprаq munasebetleri bölügi»ne yolbaşçılıq etti.
DTBDevlet taqiqatlar bürosınıñ Melitopol şeerindeki Tİtopraq idaresiniñ taqiqatçıları mahkemeden evelki mahsus taqiqatnı keçirdiler.
Suspilne Qırımnıñ menbasınıñ malümatına köre, mahküm etilgenler: Ğofâk Oleksandr Mıkolayovıç, Lokayets Yevhen Mıkolayovıç, Makarenko Mıkola Mıkolayovıç.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları («ğıyabiy ükümler») neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Hatırlatamız ki, evel, Ukrayina Devlet Sıñır Hızmetiniñ Qırımdaki Keriç deñiz qorçalav bölüginiñ komandanınıñ eski muavini, devlet hainligi içün ğıyabiy şekilde 13 senege mahküm etilgen edi.
Onı em de «3-nci rangnıñ kapitanı» arbiy unvanından mahrum ettiler ve mülkini musadere ettiler. Suspilne Qırımğa anonim şeklinde bildirgen menbalarğa köre, söz Serhiy Şamşura aqqında yürsetile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız