Raketa kompleksleri, yaqıt tankerleri, neft bazaları ve yaqıt terminalları, SEMSıcaqlıq elektrik merkezi ve elektrik ast stantsiyaları — bular, işğal etilgen Qırımdaki obyektler cedveliniñ yaz başlağandan berli Ukrayina Mudafaa Quvetleri tarafından ücüm etilgen bir qısmıdır.
Er kün yarımadadaki işğalli akimiyet ve teşviqat kanalları «Qırımğa uçqan» yüzlernen dron aqqında bildire.
Qırımnıñ endi ruslar içün arqa olmağanı, ukrayin arbiy hızmetçileriniñ işğal etilgen yarımadadaki nişanlarğa qaysı vastalarnen ücüm etkenleri ve ukrayin UUAuçucısız uçaq aletileriniñ seriyalı istisalınıñ oyun qaidelerini nasıl deñiştirgeni aqqında İnsansız istemalarnıñ Nemesis 412-nci ayrı taqımınıñ şatbınıñ zabiti SON Suspilne Qırımğa añlattı.
Sizniñ bölügiñiz ne zaman işğal etilgen Qırımdaki nişanlar üzerinde sistemalı çalışmağa başladı?
Epizodik olaraq biz endi baarde çalışa edik, amma bunıñ sistemalı işke aylanuvı — bu, ğaliba, mayıs ayınıñ soñu, ilk yaz ayınıñ başlanğıçıdır.
Biz endi daimiy sistemalı şekilde çalışmağa başladıq, ve şimdi, komandanımıznıñ bir qaç kere aytqan operatsiyası çerçivesinde, biz muntazam şekilde celp etilemiz.
Qullanğan vastalarıñız ve olarnıñ semereliligi aqqında laf ete bilemizmi?
Buña qadar, 2025 senesi qullanğanımız Middle Strike vastaları ile biz sadece işğal etilgen vilâyetlerniñ toprağında çalışa bilir edik, Qırım MCniñ toprağında degil, qullanuv terenligine köre. Ve, buña köre, keçken sene devamında pek çoq AMSava mudafaası sisteması qurulışı, tam vilâyetler toprağında ücüm etildi, yoq etildi, bu ise Qırım toprağına yetişmek imkânını berdi. Şimdiki alda bizim üç esas vastamız bar. Bu — Hornet, bu — Morrigan, bu — eki Middle Strike vastasıdır.
Ve Fire Point. Konstruktsiya, uçuş uzunlığı ve vastasız yük. Yani Hornet — bu esas kiçik vasta, Morrigan — bu esas orta vasta, ve Fire Point — bu endi şartlı olaraq ağır vastadır. Bizim şaraitimizde şimdi qullanılğan uçucısız uçaq aletleri ceetinden. Arqada bu, ğaliba, Fire Point olacaq.
Yañı, tekrar, terenlikke bağlı. Şartlı aytqanda, Olar kirgende, Berdânsktaki duşman gemilerine zarar ketirilgende, olar Rusiye askerleri içün kerekli bazı şeylerni boşatmağa tırışqanda, ya da nasıldır barjalarnı taşığan buksirler olğanda işniñ terenligine bağlı. Anda vastasız Morrigan celp etile edi, meselâ. Yani terenlikke bağlı.
Ve vazifege bağlı. Çünki eger bu, Azaq deñiziniñ başında ücüm etilgen kiçik gemiler degil, büyük sanayı tankerler kibi, büyük gemi olsa, o zaman Morrigan kibi bir vasta yeterli olmay bilir. Eger bu orta ya da kiçik gemi olsa, Morrigannıñ farqlı modifikatsiyaları ya da bizim işdeşlerimizniñ qullanğanları diger ücüm etici vastalar yeterli ola bilir.
Umumen alğanda, evel semerelik daa yuqarı edi, çünki qarşılıq daa az edi. İşte böyle.
Şimdi ne deñişti?
Sadece qarşılıq boyunca — duşman onı semereli şekilde artırа. Ve eger evel qarşılıq — bu tam AMS edi, anda «Pantsir», «TOR», «BUK» bar edi, şimdiki alda bu endi tutucılar, bu endi mobil ateş gruppaları, yani olar şimdi bizim 2024 senesi öz tutucı komponentimizni inkişaf ettirmege başlağanda yapqanımıznı yapalar. 2025-nci senesiniñ başı, mobil ateş gruppaları, olar faal şekilde artqanda, ve ilâhre. Ve şimdiki aldа bu qarşılıq daa ciddiy olmaqta. Amma bu, vastasız taktik terenlikke de tesir ete, tam duşman cenübiy yönelişte tutucı ekipajlarnı taktik terenlikten çıqarıp, olarnı öz teminat arteriyalarını qorçalamaq içün operativ ya da operativ-strategik yerge yerleştirmege mecbur qaldı.
Anda, olarnıñ adlandırğanları kibi, Azaq deñizine kelip tayğan «Novorossiya» trassası bar.
Ve bu, muayyen bir müddette bizge, em İSQ bölükleri olaraq, em de umumen AAQArbiy-ava quvetleri bölükleri olaraq, olarnıñ üzerinde cenübiy yönlişte daa semereli şekilde çalışmağa ve olarnı baar-yaz ve küz-qış kampaniyalarınıñ esas ücüm yönelişlerinden birinde tutmağa imkân berdi. Çünki tam Ğulâypole rayonında ya da Zaporijjâ vilâyeti sıñırlarındaki diger yönelişlerde müim muvaffaqiyetler yoq, ve olarnıñ coyğan resursı, olarnıñ alğanlarınen qıyaslanmay.
Bu, elbette, topraqta tutqan piyade askerlerimizniñ qaramanlığıdır, amma AAQ komponenti de bir şey yapa. Şimdi episi artmaqta, ve şimdi bu tendentsiyanıñ deñişecegine dair iç bir alâmet yoq.
İşğal etilgen Qırımdaki üzüm etkeniñiz nişanlar aqqında añlatıñız
Baqıñız, mında em tehnikanıñ yerleşkeni yerler, em poligonlar, em ava limanları, em energetika, em yaqıt astyapısı bar. Qırımda yaqıt qıtlığı, yaz başında boş yerden ortağa çıqtı. Bu, sistemalı iştir: başta bir benzin taşıyıcı, soñra eki, soñra dört, soñra diger bölüklernen beraber on, ve bu, «nasıl böyle, ne oldı» degen bir noqtağa yete. Şunıñ içün nişanlarımıznıñ profili deñişe. Eger biz vastasız Qırım MC toprağı aqqında laf etsek, men sizge tahminen olarnı ayttım.
Bu — logistika vastaları, ağır avtomobil tehnikası, şu cümleden benzin taşıyıcılar, zırhlı tehnika, bizde böyle ücümler de bar edi, ve arbiy hızmetçilerniñ toplanğan yerleri, oquv yerleri, mülk saqlav yerleri ve ilâhre. Çünki, er alda, Qırım olarnıñ içün — bu, Dnipro deltasında, Herson vilâyeti yanındaki adalarda, Zaporijjâ vilâyeti sıñırlarında da daimiy şekilde muayyen areket yapqan bir qaç ordusını temin etmege tırışqan arqadır. Ve, vastasız, duşman tarafından neft ihracı içün qullanılğan gemiler — bu, işğalci memlekete qarşı qıtlıqnı ve iqtisadiy basqını quvetlendirmek içün NİZneft işletici zavodı üzerinde ve strategik vektorı çerçivesinde yapılğan bütün bu işlerdir.
Semereliligine ne tesir etti?
Bu, kombinatsiya etilgen bir arekettir, bizim qullanğanımız vastalarnıñ sayısınıñ artqanı vastasız tesir etti, olar daa yahşı oldı, çünki, er alda, avropalılar, amerikalılar, bizge vastalarnı berip, olarnı cenk meydanında sınaylar, soñra öz laboratoriyalarında «tüzeteler».
Ve bizim saylavımız yoq. Bular bizim öz vastalarımız olğanda, biz olarnı er zaman qullanamız, yani o uça, öldüre, mükemmel uçmay, er zaman öldürmey, amma, er alda, istisalcılarnen, AOZ (muar.: Mudafaa Almaları Agentligi) vekilleri, KSL (muar.: Logistika Quvetleri Komandanlığı) vekilleri ile işbirliginde biz daimiy şekilde yahşılaştıruv aqqında fikirlerimizni bildiremiz, mülk alğanda, hızmet etüv sırasında bölük vekilleriniñ istisalcılarnen laf etkenleri bütün bu meydançıqlar, forumlar bar.
Biz bazı şeylerni qayd etemiz, isteklerimizni añlatamız, yahşılaştıruvlar aqqında laf etemiz, ve böylece vasta inkişaf ete, daa yahşı ola. Ve mında, devletniñ öz vaqtında bu vastalarnı satın almaq içün belli bir resurs ayırması ve istisalcılarnıñ miqyaslanuv devirine qadar, bu vastalarnıñ belli bir seviyege ketirilması tesadüfiydir.
Ve şimdi bizde vastalar «dört baa»ğa, orta esapta «dört artı baa»ğa çalışamız. Çünki, tekrar, bu bir-yarım sene müddetinde, tehnik vazifeler yerine ketirilgen, tasdıqlanğan ve icra tarafından amelge kirsetilgen anda, endi muayyen deñişmeler başlandı. Cenk meydanında, tehnologiyalar boyunca, buña köre, daimiy talaplar bar, bu, o daa yahşı olsun, kel biraz daa kör tırışayıq dep istekler bar.
Ve aynı zamanda, devletniñ vektorlarınıñ vastasız taktikası da deñişti, bu endi strategiyadır. Biz öz uzaq mesafeli silâmıznı alğanımızda, onıñnen keyfiyetli ve idare etilebilir şekilde çalışa bilgenimizde, ve ortaqlarımızdan bağlı olmağanımızda, özümiz bu oyunnıñ qaidelerini qoymağa başlaymız. Çünki evel biz ruslarnı sadece avropalılarnıñ ya da amerikalılarnıñ bizge izin bergen derecesinde urаr edi.
Şimdi bütün esas sıñırlandıruvlar bizim ellerimizdedir.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız