Balalığı ve gençligini Qırımda keçirgen ukrain yırcısı Zlata Ogneviç, yañı «Dimukrayin tilinden 'ev'» yırını taqdim etti. Yırcı kompozitsiyanı MAKO artistinen beraber yarattı.
Yır YouTube platformasında peyda oldı. Arman ayınıñ 21-nde Instagramda muzıkacılar yırnıñ icrasından video parçalarını neşir ettiler.
Sözlerniñ müellifleri — MAKO, ZLATA OGNEVICH ve Oleksandr Selivanov. Yırnıñ prodüseri RUNSTAR oldı, uyğunalştıruc ve mastering ise Stas Çornıy tarafından yapıldı.
Yırnıñ metni ukrayin ve fransız tillerini birleştire ve tuvğan yurtqa asret, balalıq hatıraları ve evge qaytmaq içün toqtatılmaz istekke bağışlanğan.
Zlata Ogneviç aqqında ne bilemiz
Zlata Ogneviç (doğğanda adı — İnna Bordüğ) — ukrayin yırcısı ve siyasetçisi.
O, Reyngold Moritsevıç Gliyer adına Kıyiv şeer muzıka akademiyasını «caz vokalı» istisası boyunca bitirdi. Oquv devrinde o, Ukrayina Silâlı Quvetleriniñ Devlet yır ve oyun ansamblınıñ vokalisti edi.
2010 senesi icracı ilk kere «Eurovision»nıñ milliy saylavında Tiny Island yırınen iştirak etti. O zaman o, beşinci yerni aldı.
2011 senesi o, ekinci kere «Eurovision»nıñ milliy saylavında «The Kukuşka» yırınen iştirak etip, ekinci yerni aldı.
2012 senesi Ogneviç Gravity yırınen milliy saylavda ğalebe qazandı ve 2013 senesi mayıs ayında Malmede (İsveçiyada) keçirilgen 58-nci «Eurovision» yır yarışında Ukrayinanı temsil etip, üçünci yer aldı.
2014 senesi boş aynıñ onunda, Ukrayina Yuqarı Şurasınıñ VIII-nci çağırılışına namzet oldı. Boş aynıñ 27-nde, Oleğ Lâşkonıñ Radikal fırqasınıñ vekili olaraq mebus vazifesini aldı. 2015 senesi boş aynıñ onunda mebus vazifelerinden çekildi.
2021 senesi o, «Holostyaçkaukrayin tilinde 'bekâr'-2» şousınıñ qaramanı oldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız