Arman ayınıñ 21-nde işğal etilgen Qırımdan Qırım köprüRusiye tarafından işğal etilgen Qırımnı Rusiye Federatsiyasınen bağlağan 19 kilometrlik Keriç keçitinde qanunsız qurulğan naqliyat keçiti vastasınen yarımadadan çıqış yönelişinde nevbet toplandı. Saat 13:00-ke qadar tıqanıqlıqta 650 maşna tura edi. Nevbet saba saat 8-den başlap tez şekilde artmağa başladı.
Köpürge maşna yollarındaki vaziyet aqqında avtomobil yolları işğalli merkezi bu aqqında Telegramda bildirdi.
Qırım köprüne çıqış içün nevbet saba saat 8-den başlap toplanmağa başladı.
«Taman tarafından, qolnen tekşerüv noqtasında nevbet yoq. Keriç tarafından qolnen tekşerüv nevbetinde 650 naqliyat vastası bulunа. Bekleme müddeti — eki saatten ziyadedir», — dep qayd etildi haberde.
Haber neşir etilgende Qırımda ava telükesi devam ete edi, işğalciler dron ücümi telükesini ilân ettiler.
Hatırlatamız ki, bu gece, işğalcilerniñ sözlerine köre, Qırım dronlarnıñ kütleviy ücümine oğradı. Arman ayınıñ 21-nde saba maalinde yarımadanıñ bir qısmı elektriksiz qaldı. «Krımenergo» energetika astyapısınıñ zarar körgenini bildirdi, Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) ise gece patlavlarından soñ «2-den 6-ğa» cedveli, dört tüketici nevbetinen, kirsetildi.
RF taqiqat eyyeti eki insannıñ elâk olğanı ve 6 insannıñ yaralanğanı aqqında da beyan etti.
«Qırım yeli» nezaret Telegram kanalınıñ abunecileri, Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte), Sevastopolda (Aqyarda), Saq SEMSıcaqlıq elektrik merkezi yanında ve Saq ava limanı yanında birden ziyade patlavlar aqqında bildirdiler. Şeerde elektriknen bağlı arızalar oldı. Şeni de gece patlavları aqqında Canköyde, Çornomorskede, Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) ve Biloğirsk (QarasuvbazarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında bildirdiler.
Ukrayina tarafı bu malümatnı tefsir etmedi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız