İşğal etilgen Yaltanıñ AutkaQırımnıñ Yalta şeeriniñ toprağında dağlar ögünde yerleşken mikrorayon mikrorayonında, yanğın alanı 50 gektarğa arttı. Arman ayınıñ 19-ndan sabadan berli dağlıq yerde orman yanğını devam ete. O zaman işğalli qurtarıcılar bildirgen ediler ki, yanğın alanı 3 gektarğa yete, arman ayınıñ 20-nda ise belli oldı ki, yanğın alanı ciddiy şekilde — 10 gektarğa arttı, ve Qırımda yanğınçılarğa yardım etecek göñüllilerni qıdırmağa başladılar. Bugün ise, işğalcilerniñ sözlerine köre, sözde esken küçlü yel sebebinden yanğın alanı tez şekilde daa büyük oldı.
TASS Rusiye devlet agentligi bu aqqında yazdı.
«Bir kün içinde faal yanğın alanı ava şaraitli ve yel tesiri sebebinden 50 ga-ğa qadar arttı. Yerde esken yeller 15 m/s'ge yete, bu ise yanğınnıñ büyük alanlarğa tarqatılmasınıñ sebebi ola. Bundan ğayrı, söndürüv işleri qıyın irişilebilir yer, tik yamaçlar ve suv menbalarınıñ yoqluğı sebebinden qıyınlaşa. Suv taşımaq içün suv taşıyıcı maşnaları ve mototehnika qullanıla. FVNFevqulâde vaziyetler nazirligi yanğınnı söndürmek içün quvet ve vastalar gruppasınıñ arttırılğanını bildirdi, şimdilik tabiiy yanğınnı yoq etmek içün 523 insan, 108 tehnika celp etildi», — dep qayd etildi haberde.
Yanğınnıñ sebepleri aqqında işğalciler malümat bermeyler. RİA «Novosti Krım»nıñ arman ayınıñ 19-nda haberinde qayd etilgen edi ki, yanğın qıyın irişilebilir bir yerde çıqtı, yanğınçılar dağlıq yerden ayaqnen ketmege mecbur qalalar, tehnikanı yaqlaştırmaq mümkün degil. Tek arman ayınıñ 20-nda, ruslar yanğınnı söndürmek içün aviatsiyanı celp ettiler.
«Qırım yeli» Telegram kanalı bildirdi ki, bu yanğın, Yaltada arman ayınıñ 19-nda ast stantsiyalarğa yapılğan ücüm vaqtında Rusiye ava mudafaası sistemasınıñ işi neticesinde çıqtı.
Hatırlatamız ki, arman ayınıñ 23-ne qadar Qırımda fevqulâde yanğın telükesi rejimi devam ete.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız