Ukrayinada, Qırımdaki Ukrayina prokurorlıq organlarınıñ sabıq hızmetçisi devlet hainligiUkrayina CQniñ 111-nci maddesiniñ 1-nci qısmı içün ğıyabiy şekilde 13 senege mahküm etildi.
Arman ayınıñ 20-nda Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Uquq qorçalayıcı organlardan haberdar olğan menba Suspilne Qırımğa anonim şeklinde söz Lennara Abselâmova aqqında yürsetilgenini ayttı.
«Tasdıqlandı ki, mahküm etilgen qadın, Keriç şeeri prokurorlığınıñ prokurorı olaraq, yarımadanıñ işğaliniñ faal basamağında istilâcı devletniñ vekillerinen işdeşlikke ketti. 2014 senesi o, işğalcilerniñ sözde "Keriç ş. prokurorınıñ muavini" vazifesini almaq teklifine razı oldı, 2018 senesi ise oña beñzegen bir vazifege «Krasnoğvardiysk rayonı (Qurman rayonı — muar.) prokurorlığı»na avuştırıldı», — dep qayd etildi haberde.
Prokurorlıqnıñ malümatına köre, mahküm etilgen qadın şimdi de Rusiyege tâbi işğalli prokurorlıq organında çalışa.
«Mahküm etilgen qadın, bugüngi künge qadar özüni tayin etken organda "vazifeleri"ni yerine ketire, böylece istilâcı memleketke ve onıñ vekillerine Ukrayinağa qarşı zararlı faaliyet yürütmekte ve Qırımnıñ işğal çarelerini quvetlendirmege yardım ete», — dep tenbiyeledi prokurorlıq.
Mahkeme qadınğa mülkiniñ musadere etilmesinen beraber 13 senelik apis cezasını tayin etti. Bundan ğayrı, o, 3 sene devamında uquq qorçalayıcı organlarda vazife almaq uquqından mahrum etildi.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları («ğıyabiy ükümler») neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
«Barıştırıcı» merkeziniñ malümatına köre, Lennara Abselâmova 1991 senesi ilk yaz ayınıñ 6-nda doğdı. 2015 senesinden başlap o, Ukrayinada devlet hainligine şübelenip qıdırıla edi. 2015 senesi mayıs ayında Ukrayina tarafı, işğalciler tarafına keçken Qırımnıñ 144 prokurorına qabaatlav bildirdi. Olarnıñ arasında Lennara Abselâmova da bar edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız